Azken bideoak: Gurean Gaur

Eneko Axpe fiskaria elkarrizketatu dugu Hamaika Telebistan. Axpek nabarmendu du 100.000 biztanleko zortzi pertsona hiltzen ari direla egunero munduan. Egoerari buelta emateko, txertoa lortu behar dela azpimarratu du, eta bitartean, neurriak hartu behar direla. Fisikariak nabarmendu du Euskal Herriko egoera txarra dela, eta munduko hirugarren postuan dagoela 100.000 biztanleko 903 heriotzarekin.

Frantziako Lehen Ministro Emannuele Macronek iragan astean ezarritako konfinamendua dela eta eten egin behar izan du Bertsozale Elkarteak Xilaba txapelketa. Irailaren 20an abiatu zen Hiriburun eta final herenen azken saioa jokatzekoa zen larunbatean. Hala ere, egoerak etetera txapelketa etetera behartu du.

Artistaren 90. Urtebetetzean bere obrak naturarekin duen harreman estuan sakonduko du bildumak. Iragan astean inauguratu zuen Bizkaiko Foru Aldundiak eta aretoa osorik hartu dute Ibarrolaren 70 lan baino gehiagok. Jose Ibarrola artistaren semeak komisariatu du erakusketa.

Euskal Autonomia Erkidegoko ogasunek argitaratu dute zordun handien zerrenda. Hiru aldundien ogasunei milioi bat euro baino gehiago zor dieten enpresak eta norbanakoak agertzen dira zerrenda horretan. Kasu honetan, 2019ko abenduaren 31n zor hori zutenak dira. 250 izen ageri dira zerrenda horretan, eta 850 milioi zor dizkiete ogasunei.

Nafarroako egoerari dagokionez Gobernuak eman duen informazioaren arabera, herrialdeak 438 positibo eman zituen atzokoan eta gaurkoan Gobernu Irekiaren webguneko datuen arabera, 525 dira kutsatutakoak.

Ipar Euskal Herri osoan itxialdia hasi dute jada eta neurri hori abenduaren 1a arte izango da indarrean, baina luzatzeko aukera izango du presidenteak. Nafarroara begira, Maria Txibite Nafarroako Gobernuko lehendakariak iragarri du hilabete "zailak eta gogorrak" datozela. "Erronka historikotzat" jo du COVID-19aren izurria, osasun krisiak ondorio ekonomiko eta sozial larriak utzi dituelako eta 695 nafar hil direlako gaurdaino, horietako bost atzo. Euskal Autonomia Erkidegoan, aldiz, ELA, LAB, SATSE, SME, CCOO, UGT, ESK, SAE eta UTESE sindikatuek Osakidetzan lurraldeka deituriko hiru greba egunetako lehena izan dute gaur Araban.