Azken bideoak: Gurean Gaur

Kristobal Kolonen eta Espainiako Erregearen eskultura bana jarri zituzten Carlos III.aren etorbidean eta sokaz bota zituzten aktibistek egun hartan. Ekintzan parte hartu zuten Mujeres del Maíz nikaraguarren elkarteko, Africa United elkarteko, Compartiendo Raíces ekuatoriar jatorriko dantza taldeko, Munata boliviarren komunitatearen kultur elkarteko eta SORTUko hainbat kidek.

Atzokoan EAEn 71 pertsona ospitaleratu zituzten eta birusaren hedapena eten "behar" dela berretsi zuen Bingen Zupiriak bart. Nafarroan gaurko datuek bigarren egunez jarraian kutsatzeen beherakada adierazi dute, 450 eta 460 gaixo berri antzeman dituztelarik. Positibotasun tasak ere hiru puntutan behera egin du Osasunbidean 4.057 PCR eta Antigeno proba eginik, %11,3an kokatzen delarik.

Miren Gorrotxategi Elkarrrekin Podemoseko legebiltzarkidea elkarrizketatu dugu Hamaika Telebistan. Eusko Jaurlaritzak hartutako neurri murriztaileak biltzen dituen dekretua "berandu" iritsi dela adierazi du, eta "inorekin hitz egin gabe". Hala ere, "espero" zen zerbait dela adierazi du, egoerak "txarrera" egin duelako.

Azken urtean horren entzuna izan den telefonia sistemaren bosgarren belaunaldia martxan da Euskal Herrian. Horrek zenbait aurrerakuntza ekarriko ditu, besteak beste, etengabeko konexioari abiadura, estaldura eta latentzia erantsiko dizkio, nahiz eta oraindik ez den bere osotasunean garatu. Hala ere, badira 5Garen aurka daudenak ere, gizakion osasunarentzat kaltegarria dela baitiote. Hori dela eta, Osasuntsu eta aske izeneko taldeak 5Garen zabalpena atzeratzea eskatu du.

Idoia Mendia lehendakariorde eta Lan eta Enpleguko sailburuak erakunde, eragile ekonomiko eta sozial guztien erantzukizuna eskatu du, baina baita herritarrena ere, COVID pandemiaren eraso berria gainditzea lortzeko, gizarte-kontzientzia, konpromisoa eta lan-sozietateek ordezkatzen duten lankidetza oinarri hartuta.

Gurean Gaur albistegiaren baitan, Gorka Etxeberriarekin hitz egiteko beta izan dugu. Futbolaren baitan analista gisa aritzen da eta berarekin batera, gizonezkoen zein emakumezkoen, euskal taldeen azterketa sakona osatu dugu.