Foro Sozial Iraunkorraren eskaerak, Iruñeko Udalak herritarren parte hartzea sustatzeko bideak eta Arga ibaiaren inguruko dokumentala izan dira nagusi aste honetako Nafarkarian.
Iruñean, aldaketaren udalak bigarren urtea egitear, Patricia Perales, Tokiko Ekonomia Jasangarriko zinegotzia izan dugu elkarrizketatua. Azken hilabetetan, Iruñerako martxan diren hainbat proiektu eman dira ezagutzera, turismoari begirako prozesu parte hartzailea edota Geltoki proiektua kasu.
Ainhoa Etxaidek, LAB sindikatuko Idazkari Nagusiak, fiskalitate, pentsio eta finantza sistema propioen beharra izan du hizpide, besteak beste, Gurean Gaurren.
Espainiako Poliziak atxilotu eta komisaldegian hil zen Elhadji Ndiaye Senegaldarraren inguruko azalpen faltak harrabotsa sortu du Nafarroan. Honen haritik sortu diren kezkak eta orohar arrazakeriaren egoera zein errefuxiatuen harrerari buruzko solasaldia izan dugu Papeles Denontzat elkarteko Iñaki Redinekin.
Abiatu da Mas, Rigau eta Ortegaren kontrako epaiketa Katalunian; konfidantza mozioa onartuta, Gasteizko Udalak baditu 2017rako aurrekontu berriak eta Ibon Iparragirre presoa berriz ere eraso dute.