Azken bideoak: Politika

Gaur arte, Iruñerriko Mankomunitateko buru izateko bi hautagaitza zeuden bakarrik: Navarra Sumako Juan Jose Echeverria eta Euskal Herria Bilduko Aritz Ayesa. Bere posizioa erakutsi behar ez izateko, PSNk ekainean udaletxeen osaeran egindako mugimendu bera errepikatu du eta bere burua aurkeztuko du nahiz eta irabazteko aukerarik ez izan.

Bihar arratsaldean ospatuko da Iruñerriko Mankomunitatearen lehendakaritza hautatzeko bilera eta azken orduan PSNk Maite Esporrin aurkeztu du. Irabazteko aukerarik gabe, eta negoziatzea baztertuta, Esporrinek argudiatu du bere burua aurkezten duela ez baititu gustuko ez Navarra Suma ez Euskal Herria Bilduren proposamenak.

Astebetean INEren webgunea kolapsatu egin da, jende andanak egin baitu propaganda ez jasotzeko eskaria. Honek, eragina izan dezake hauteskundeen parte hartzean. Urriaren 7ra arte egin ahalko da hautes-propaganda ez jasotzeko eskaria.

Franco Erorien Haranetik ateratzea ahalbidetzen duen epaiaren ostean bata bestearen atzetik etorri dira Estatuko zein Euskal Herriko eta Kataluniako politikarien erreakzioak. Albert Rivera eta Ivan Espinosa de los Monteros, Ciudadanos eta Vix alderdien ordezkariak hurrenez hurren, Gobernuaren ekintzarekin kritiko agertu dira.

Ibon Meñikari elkarrizketa, azken sententziari buruzko gogoeta egiten

Gurutze Iantzi Igerategi Herri Batasuneko zinegotzia izan zen Urnietan, bere herrian. Guardia Zibilak 1993ko irailaren 22an atxilotu zuen bere etxean. Bi egun geroago hil zen, Guardia Zibilaren Tres Cantosko egoitzan. Bertsio ofizialaren arabera bihotzekoak jota hil zen. Pako Etxeberria medikuak bertsio ofiziala gezurtatu eta torturatua izan zela argitu zuen.