LAB sindikatuko kideek adierazi dute COVID 19aren etorrerak etxeetan konfinaturik egotera eraman dituela herritarrak eta horrek, erabat aldatu dituela paisaia politiko, sozial eta laborala. Gaurkoan salatu dute 6.583 ERTE gauzatu direla eta haien eraginez 61.185 langile izan direla kaltetutakoak, Nafarroan.
ELA Sindikatuak COVID19aren krisitik ateratzeko dituen proposamenak aurkeztu ditu “Benetako irteera” izeneko dokumentuaren bitartez. Argitu dutenez, hiru krisiri egin beharko zaie aurre pandemia dela eta: Osasun krisia, krisi soziala eta baita ekonomikoa ere. Zentzu horretan, hainbat neurri planteatu dituzte, diru-sarrera eta gastu publikoari eta herritarren ongizateari dagokionez, besteak beste.
Pentsiodunek salatu dute apirilaren 27an idatzizko eskaera Gizarte Zerbitzuen sailean aurkeztu zuten arren “komunikabideek argitaratzen dituzten datu estatistikoak baino” ez dituztela jaso.
LABek nabarmendu du osasun larrialdiak are gehiago "okertu" diteula lanik "prekarioenak", eta "gehienbat", emakumeek egiten dituztenak. Hala, LABek Ipar Hegoa ikasketa sindikalen fundazioarekin batera etxeko langileen egoeraren inguruko azterketa aurkeztu du. Ondorioztatu dute etxeko langileen %30 inguruk "ezkutuko ekonomian" lan egiten duela eta beraien zaurgarritasun egoera are gehiago handitzen duela horrek.
