Azken bideoak: Ekonomia

Produkzioa berriro martxan jarri izana eta Arantxa Tapia Ekonomiaren Garapenerako sailburuak, gobernuak lanerako sortu duen gida goraipatu izana kritikatu du LAB sindikatuak. Jaurlaritzak industria arloan koronabirusaren aurrean hartutako neurriei buruzko agerraldia egin du Eulate Zilonizaurrekoetxea, LABeko Industria Federazioko idazkariak.

Lantegiek berriro ekin diete lanari, hilabete baino gehiagoko etenaren ostean.

%3a egin du behera EAEko Barne Prduktu Gordinak Koronabirusaren krisiagatik. Hori ondorioztatu du Eustatek egindako ikerketan, informazioa biltzea oso zaila izan dela nabarmendu duen arren. Araba, Bizkaia eta Gipuzkoako ekonomiak behera egin du 2020ko lehen hiruhilekoan. BPGaren jeitsiera %3koa da iazko azken hiruhilekoarekin alderatuta, baina urte arteko tasan, %4,5koa da beherakada, 2019ko garai berdinarekin alderatuta.

Volkswagen Nafarroako zuzendaritzak eta UGT, CCOO, ELA eta CCP sindikatuek enplegua aldi baterako erregulatzeko beste espediente bat aurkezteko akordioa onartu dute. LABek eta CGTk ez dute akordioa sinatu, enpresako zuzendaritzak ohar bidez jakinarazi duenez.

Correoseko langileak etxez etxe lanean jarraitzen dute konfinamendu garaian, horrek dakarren arriskuarekin. Beraien egoera azaldu digu Josean Catalan Correoseko LAB sindikutuko delegatuak.

Erosketarako poltsa eta gurditxoei aldarrikapen afitxak erantsita, ilaran zeudela, kalean egin dute ekimena. Ez-ohiko neurri eta konfinamenduan hilabete igaro denean, oinarrizko eskubideak kolokan daudela salatu du Eskubideen Kartak. "Osasun-krisiaren aitzakiapean sistema krisi sozial eta ekonomiko bihurtzeko eta ziur aski gure oinarrizko eskubideak erasotzeko oldarkorki berrantolatzen ari dela kezkaz ikusten ari gara" gaineratu dute ohar bidez. Gaurko ekimena eredutzat hartuta, gauza bera egiteko deia egin die herritarrei Karta Sozialak "ahal duten toki eta une guztietan erakuts dezaten".