Azken bideoak: Ekonomia

49.757 langile daude Nafarroan aldi baterako lan kudeaketa txostenen eraginpean. Horietatik 45.000tik gora COVID19aren eraginez eskatutakoak dira.

2019ko apirileko datuekin alderatuta, langabezia ia %20 hazi da Araba, Bizkaia eta Gipuzkoan eta %24,13 Nafarroan. Koronabirusaren pandemiak eragin negatiboa izan du Hego Euskal Herriko enpleguaren bilakaeran, lau herrialdeetako langabeziaren igoera orokorra izan baita, Espainiako Enplegu Ministerioak astearte honetan argitaratutako datuen arabera.

Aurtengoan, maiatzaren 1a oso egun berezia "eta emozionala" izan dela aitortu du ELA sindikatuko Peio Igeregik Hamaika Telebistan. Elkarrizketaren tartean, Covid 19 gaitzak eragindako izurritearen ondorio sozial eta laboralak aztertu ditugu Igeregirekin batera eta aurrera begira, "zaintzaren" garrantzia destakatu du.

Aurtengoan, maiatzaren 1a oso egun "berezia" eta "emozionala" izan dela aitortu du ELA sindikatuko Peio Igeregik Hamaika Telebistan. Elkarrizketaren tartean, Covid 19 gaitzak eragindako izurritearen ondorio sozial eta laboralak aztertu ditugu Igeregirekin batera eta aurrera begira, zaintzarek sektoreak izango duen garrantzia nabarmendu du.

1886ko maiatzaren 1ean Chicagon sindikalari anarkista batzuk greba bat hasi zuten zortzi orduko lanaldia eskatzeko. Aldarrikapenak sorturiko istiluei minutu bat eskaini diegu, Langileen Nazioarteko Eguna nola sortu zen jakiteko.

Pandemiak erabat baldintzatu du Maiatzaren Lehena. Izan ere, garai zailak dira langile askorentzat. Batzuk kaleratuak izan dira, beste batzuk eskubide murrizketak pairatu dituzte, askok ziurgabetasunez begiratzen diote etorkizunari. Salbuespen egoera honetan hamaika egoera latz bistaratu dira gizartean eta horietaz mintzatu da Igor Arroyo, LABeko Idazkari Nagusi ondokoa. Esan duenez, "kapitalaren eta bizitzaren zitzaren arteko borroka da" aste hauetan ikusi duguna, eta ziurtatu du "bizitzaren alde" lan egiteko gogo handia dutela herritarrek.