ELA, LAB eta UGT sindikatuek greba egunak deitu dituzte otsailaren 27rako eta martxoaren 4 eta 5erako Bizkaiko Etxez Etxeko Laguntzan. Mobilizazio hauen helburuan hitzarmen berri bat lortzea da.
Emakume eta gizonen arteko soldata berdintasunaren aldeko eguna da otsailaren 22a. Eurostaten arabera, egun emakumeek gizonek baino %12 gutxiagoko soldata daukate.
Zor patriarkala deitu dio, emakumeak bere generoagatik, baldintza txarragoak onartu behar dituelako sistematikoki. Horregatik, eta zorra kitatzen hasteko, enpresek eta instituzioek neurri batzuk hartu behar dituztela adierazi du sindikatuak, lanpostuen balorazio berri bat egiteko, bizitzarako eragin faktorearen arabera eta ez generoaren arabera.
LABek positiboki baloratu du 2018an sinatutako irakaskuntzako akordioa. Hala, hitzarmenaren ondorioz lortutako irakasleen lan baldintzen hobekuntza azpimarratu du. Hala ere, legegintzaldiaren amaiera fasean beharrezkoa ikusi du akordiotik lortu diren eta eskuratu ez direnen arteko balantzea egitea.
Gehiengo sindikala osatzen duten sindikatuek elkarretaratze bat egin dute Bilbon, Arriaga plazan, Lan istripu gehiagorik ez, prekarietatea hiltzailea lelopean.
Euskadiko langile komisioak sindikatuak ekintza sindikaleko eta negoziazio kolektiboko jardunaldiak egin ditu Bilboko Arrupe Aretoan. Bertan, 2019ko negoziazio kolektiboaren balorazioa egin dute eta Garbiñe Espejo, CCOO Euskadiko ekintza sindikaleko arduradunak nabarmendu duenez, hitzarmena indarrean duten langileen ehunekoak gora egiten jarraitzen du.
