Azken bideoak: Ekonomia

Bizkaiko Foru Ogasunak 2019an zerga-iruzurraren aurka egindako jarduerak aurkeztu ditu. Hala, iaz, Bizkaiko Foru Ogasunak 504 miloi euroko iruzur fiskala detektatu zuen, eta ustezko 3 delitu fiskal igorri zizkion fiskaltzari.

Elkarrizketaren tartean, CCOO Euskadiko zuzendaritzako kide Alfonso Rios Hamaika Telebistan egon da. 2020ko urte hasieran izandako lan istripuen harira, kezka eta samina azaltzeaz gain, "lan istripuak enpresariek prebentzio neurriak eta euren egin beharrak betetzen ez dituztelako ematen direla” salatu du. Horrekin batera, “Zaldibarren gertatutakoa lan istripu bat baino gehiago izan da, ingurumenarekin lotutako krisia bat da baita eta hondakinen kudeaketa negozio eredu bilakatzearekin zerikusia duena” nabarmendu du. Auzi honekin lotuta, amiantoaren agerpenaren inguruko kezka agertu eta Arriola sailburuaren jarrera kritikatu du.

Emaktiva proiektuak 2019ko balorazioa egin du. Zaurgarritasun egoeran dauden emakumeak lan munduan barneratzea da egitasmoaren helburua.

Parlamentuaren aurrean egindako elkarretaratzean, sindikatu eta eragile sozialek salatu dute gaur Nafarroako Parlamentuak onartutako aurrekontuak ez direla nahikoak gizartearen beharrei eta erkidegoaren erronkei erantzuteko.

EAJk eta PSEk aurkeztutako eta 2019ko ekainaren 27ko Legebiltzarreko Osoko Bilkuran onartutako Gizarteratzeko eta Diru-sarrerak bermatzeko Lege-proposamena hurrengo legegintzaldian ezabatzea edo nabarmen aldatzea eskatu dute Euskal Autonomia Erkidegoko Hirugarren Sektore soziala osatzen duten kolektiboek.

1976an Gasteizen erahildako bost langileak eta 2020ko lehen bi hilabete hauetan Euskal Herrian hildako 14 eta luizian desagertuta jarraitzen duten bi langileak oroituko dituzte ELA, LAB, ESK eta STEILAS Sindikatuek, Martxoak 3 elkartearekin batera, datorren astearteko mobilizazioetan