Azken bideoak: Ekonomia

Europako Batzordeko presidenteak ‘Sure’ izeneko funts berria sortuko dutela iragarri du enpresei laguntzeko, eta horrenbestez, koronabirusaren krisiak iraun bitartean, langileek enpleguari eutsi diezaioten. Von der Leyenek azaldu duenez, ekimena batez ere Italia eta Espainia laguntzera zuzenduta dago. Ostegunean egingo da neurriaren adopzio formala Europar Batzordean.

Oinarrizkoak ez diren jarduera ekonomikoak eteteak Euskal Herriko ekonomian izango duen eragina aztertu du Joseba Garmendiak, eta egoera lehengoa baino okerragoa izango den arren, ekonomia hein batean suspertuko dela uste du.

Europa mailako zor-plana eskatu dio Espainiako Gobernuak Europar Batzordeari; hau da, euro-bonoak ateratzea –korona-bonoak– zorra merkatzeko. Herrialde guztiek egin behar diete aurre inbertsio publikoaren bidez koronabirusak eragindako gastuei, baina Urkiagak azaldu duenez, denak ez daude egoera berean.

Konfinamendua ezarri zenetik astebete igaro dela azaldu du Xabier Ugartemendia Ekintza Sindikaleko eta Negoziazio Kolektiboko Idazkariak, eta bizitzari bai, baina lanari konfinamendurik ezarri ez zaiola salatu du. Oinarrizkoak ez diren lanen geratzea eskatu du, eta horrekin batera, oinarrizko lanetan diharduten langileen segurtasuna babestea.

LAB sindiaktuak salatu du armada kalera atera dutela agintarien, baina ez direla langileen osasuna zaintzen ari. Zentzu horretan, berrogeialdian oinarrizkoak ez diren lan jarduerak eskatu du Garbiñe Aranburu LAB sindikatuko idazkari nagusiak.

Gainezka egiten ari dira koronabirusaren inguruko zalantzak argitzeko ezarritako osasun zerbitzuetako telefonoak. Araban, Bizkaian eta Gipuzkoan 900-20 30 50 zenbakira deitu behar da edozein zalantza argitzeko, Nafarroan 948-29 02 90 zenbakiera. Telefonoaren beste aldean dauden langileak gutxi dira eta dei askori erantzun behar diete gainezka daude.