Azken bideoak: Kultura

Euskal Herriko auzo eta herrietan bezalaxe aurten, Egian Porrontxo Jaiak ospatuko ez badituzte ere, egiatarrek telebista saio herrikoi berezia bihar Hamaikaren laguntzaz. Porrontxo Jaiak ospatzeko baldintzarik ez badugu ere, Egiako koadrilek zerbait berezia egin nahi dugu Egiako auzotarren izaerari eutsiz, ilusioz, irudimenez eta nola ez, umorez! Gauzak honela, Jai Batzordeak hala eskatuta, telebista saio berezia egin du Hamaika Telebistak. Azken hamarkadatako irudi onenak, barregarrienak eta hunkigarrienak bildu ditugu egiatarron eta nahi duenaren gozamenerako. Sorpresarik ere ez da falta izan... Ohituraz, Egiako koadrilek auzoan barrena igotzeari ekin aurretik festei hasiera ematen dieten unean, hain zuzen ere.

Aste honetan Rabeb Ridene tunisiarra ezagutuko dugu. Altsasura bizitzera etorri zen bere senarrarekin. Gaurko saioan, bere okindegiaren ateak irekiko dizkigu. Bertan, euskarak eta arabierak hitz amankomunak dituztela ezagutuko dugu.

Enrique Villarrealek, El Drogasek, elkarrizketa eskaini dio Hamaika Telebistari, Zinemaldian estreinatuko den hari buruzko dokumentalaz hitz egiteko. Elkarrizketa osoa astearteko Nafarroa Gaur saioan izango da ikusgai.

Bilbon, Gasteizen eta Iruñean kultur arloko profesionalak kalera atera dira bart ikuskizun eta ekitaldi "seguruak" aldarrikatzeko. Muga mugan dagoen sektorea da, pandemiak gogor jo duena. Gobernuari eta Lan, Ogasun, Gai Ekonomiko, Kultur, Kirol, eta Industria sailei eskatzen diete datozen asteetan sektoreen honen iraupena bermatzeko urgentziazko neurriak hartu ditzaten. Baita, haien esanetan, “beharrak aztertuko dituen mahai sektoriala berehala sor dezaten” ere. Sektorean oraindik langabezia-zifrarik ez duten arren, aurreratu dute data hauetan gauzatutako lan-bolumena % 10ekoa dela aurreko urteekin alderatuta.

Hemen da Musika Zuzenean Telebista saioaren 112. atala. Erreportaje honetan MIHISE taldea ezagutuko dugu. Hotzikara taldearen garapena bezala sortzen da banda, eta dagoeneko kalean dute taldearen iraupen luzeko lehen diskoa. "Kronika@" ezagutzeko bildu gara Antton, Mikel eta Beñatekin.

Inoiz baino kalekoagoa da aurtengo GetxoPhoto jaialdia. Kalera! Aukeratu dute aurtengo lelo eta espazio publikoa denona dela aldarrikatu nahi izan du antolakuntzak.