Malas Compañias Bilboko antzerki taldeak Txatarra izeneko ikuskizuna taularatuko du Bilboko Aste Nagusian. Ikuskizun honek ametsak, umorea eta ohiko objektuen erabilera berriak nahasten ditu. Kale antzerkia Bilboko Aste Nagusira heldu da!
Festen bigarren egunean, Oihana Pascual aurtengo Aste Nagusiaren txupinerarekin luze eta zabal hitz egiteko aukera izan dugu. Pintxoak dastatzeko tartea hartu dugu eta Txatarra izeneko ikuskizunaren nondik norakoak ezagutu ditugu.
Argi dago Bilboko Aste Nagusian den dena dela posible, bai eta kartoiz egindako musika bandak ere!! 1978. urteko ohitura zahar bati jarraituz aurten berriz ere kartoiz egindako musika banda baten soinua entzuteko aukera izan dugu Aste Nagusian!
Itziar Urtasun, Bilboko Udaleko jaietako zinegotziarekin izan gara. Jai eredua goraipatu eta Bilboko Aste Nagusiak duen eskaintza zabala gogora ekarri du.
Arriaga barruan ere giroa ezin hobea zen. Bertan izan dira Gurutze Beitia pregoilaria eta Oihana Pascual txupinera, biak emozionatuta. Eragile eta politikariak ere ez dira falta.
Urtero bezala, Bilboko Konpartsen jaitsierak girotu ditu Bilboko kaleak, txupinazo ofizialak hasiera eman arte. Festa giroan abiatu dira San Anton zubitik hasita, zazpi kaleetatik barrena, Arriaga plazara heldu arte.