Aste Nagusiaren azken egunetan gaudenez, eta jaien protagonista nagusiak herritarrak direnez, eurekin egon gara. Nolakoa izan da aurtengo Aste Nagusia eurentzat? Espero bezainbeste gozatu al dute? Zer gustatu zaie gehien?
Eguraldiak askorik lagundu ez badu ere, giro ederrean ibili dira pirata txikiak. Portuan elkartu diren denek helburu bera zuten gaurkoan, Donostia abordatzea.
Txikienek hasiera ederra eman zioten Haurren Egunari. Pirata izateko beharrezko osagaiak euren kabuz egin dituzte La Flamenkako tailerrean. Pirata dotore bihurtuta, buruhandiekin batera, Ikatz kalera abiatu dira, txupinazora.
Trinitate Plazan antolaturiko herri kirolek giro ederra sortu dute. Joko eta kirol mota entretenigarriak tarteko, aspertzeko betarik ez dute izan etxeko txikienek.
Izugarria izan da bigarrenez elektrotxarangen topaketak Alde Zaharreko kaleetan sortu duen giroa. Dantza batean jarri ditu gerturatu diren guztiak. Gu ere festan murgildu gara.
Aldatzen Laguntzen antzerki taldearen sei emankizun izango dira aste honetan zehar Victoria Eugenia antzokian. "Amets zirkoa salgai" antzezlanarekin datoz oraingo honetan, eta guk ez dugu Xorroxin eta Azken Putzekin elkartzeko aukerarik galdu.
