Azken bideoak: Artea

Sandra Arroniz, Maitane Azparren eta Berta Oses Suarez Beruta artistek osatutako Hiru Hari Hori erakusketa ikusgai da Iruñeko Ziudadelako labean, otsailaren16ra arte. Hiru sortzaileek espresio kode bera darabilte: orratza. Proposamen artistiko honetan, ehungintzaren lengoaia ezberdinak aztertzen dituzte, denbora argumentu-hari gisa hartuta. Sortzaileek orainaren eta iraganaren ikuspuntua erakusten dute. Etorkizun komun batera bideratzen gaituzten denboraren hariak, hain zuzen ere.

Asko dira ibilbide artistikoa profesionalki garatzeko Nafarroatik atzerrira egin behar izan dutenak. Atzerrian ikasi eta sortutakoak etxera bueltan ekarri eta erakustea da askoren nahia. Behar horri erantzuteko asmoz sortu dute, hain zuzen ere, CreArte kolektiboa. Elkarlanean sortutako proiektu artistikoak diziplina hainbatetan dabiltzan artistak nafarrak batzea du helburu. Hau da, elkar aberastu eta obra berrien sorkuntza sustatu.

Xabier Morras margolari iruindarraren erakusketa autobiografikoa ikusgai da Iruñeko Kondestablen. Nafarroako arte garaikidearen erreferenteetako bat da Morras.

Maite Mutuberria ilustratzaileak “Joemak eta polasak” liburua kaleratu berri du. Jostailua ez bada ere, jostatzeko sortutako liburua da berau. “Koadernoak, autoerretratu moduan” tailerra zuzentzen du baita ere Mutuberriak. “Loiha” liburuan ikasitakoez jardun dugu bertan.

Gabonak Artek, Gabonetan egitarau kultural, ludiko-hezitzaileak eta esperientzia artistikoak proposatuko ditu haur eta familientzat Bilboko Alhondiga-Azkuna zentroan. Aurtengoan abenduaren 26tik urtarrilaren 4ra bitarte gozatu ahal izango dute gazteenek sorkuntza garaikideaz.

Alberto Salcedo artistaren eskulturak biltzen ditu 'Azken alabak' erakusketak. Ikerketa sakonaren ondoren, Babcock Willcox ezkerraldeko enpresaren aztarnetatik moldeak atera eta eskultura multzoa egin zuen artistak. Bilboko Euskal Museoan egongo dira obrak ikusgai urtarrilaren 3ra arte.