Azken bideoak: Ikuskizunak

Euskal dantza tradizionalari buelta eman eta umorea sartu du bere ikuskizunetan Tio Teronen Semeak taldeak. "Freshcool" emanaldiak Euskal Herri osoko plazak zeharkatu ditu eta martxa horretan jarraitzeko asmoa dutela dirudi. Taldeko kide birekin izan gara eta euren arrakastaren sekretuaren berri eman digute, baita hainbat bitxikeria kontatu ere.

Izarrak Plazara gazteentzako talentu lehiaketaren bosgarren finala ekainaren 18an egin zuten Intxaurrondoko Kultur Etxean. Guztira 8 eta 18 urte bitarteko sei taldek parte hartu zuten eta giro aparta sortu zuten aurtengoan ere.

Oraingoan, dantza izan dugu hizpide. Jon Maya, Kukai dantza konpainiako zuzendaria ekarri dugu gurera. "Oskara" proiektu berria estrenatzear, urduri xamar topatu dugu. Zuzendari izateaz gain, koreografoa, irakaslea eta, nola ez, dantzaria da bera. Haur zelarik barneratu zen dantzaren munduan eta beti izan du proiekturen bat eskuartean. Euskal dantza tradizionaletik abiatuta, dantza garaikidea egiten du. Hori horrela, bere ibilbidea errepasatzearekin batera, tradizioa "hauste" horren inguruan hausnarketa egin dugu.

Bi ikuskizun estreinatuko ditu Olaeta Balleta elkarteak Bilboko Arriaga Antzokian. "Itzulera" eta "Jaietan" dira ikuskizunak. Aurrenekoak, Andima Ibiñagabeitia idazlearen azken egunak kontatzen ditu, eta Asier Zabaleta arduratu da koreografiaz.

Asteburuko kultura agendari dagokionez, bi estreinaldi nabarmendu ditugu. Batetik, Dantzaz konpainiak "Aureo" ikuskizuna aurkeztuko du Bilboko Arriaga antzokian. Bost pieza laburrez osatuta dago, eta estilo ezberdineko dantza dastaketa da. Iruñean, berriz, Joxe Miel Bidadorren omenezko pastorala aurkeztuko dute.

Aste Nagusiko ekitaldi preziatu bilakatu da Piraten Abordaia. Aurten ere arrakasta handia izan du, 4000 pirata baino gehiagok hartu dute parte, eta kolorez bete da portua.