Azken bideoak: Beste batzuk

Raymond Poulidor mito bat izan zen, haren oinordekotza hain da handia, sarri bigarren izaten dena definitizeko bere izena erabiltzen dela. Anquetil, Merckx, Ocaña edo Hinault-en lehiatu zuen klase erraldoiko karrerista, zaletuek maite zuten ziklista, Frantziako Tourreko podiuma zortzi aldiz zapaldu zuena, lasterketa sekula irabazi barik. Aurreko astean hil zen.

Joseba Ezkurdiak bere bigarren txapela jantzi du kaiolan. Sakandarrak Jokin Altuna gainditu zuen, indarrez eta azken tantoen errenkada bikaina lortuta. Marakana Txikian, arbizuarraren arrakaste aztertu eta Mikel Zumalde kazetariak haren "Irujizazioa" nabarmendu zuen.

Aditu eta mediku batzuek ohartarazpen egin dute: kirola egiteko garaian, teknologia neurrigabe aplikatzen denean, kirol amaitzak osasunaren gainetik jartzen dira. Eliteko kiroletik harago, joera honek herritarrengan duen eraginaz hitz egin dugu Basque Teameko kirol teknikaria den Aitor Alberdirekin.

Springboks-ek historia egin dute Japonian, munduko txapelketa hirugarrengo aldiz eskuratuta. Hegoafrikarrek Ingalaterra gainditu zuten finalean. Txapelketaren analisia, NAIZ-eko kazetari Imanol Intziarteren eskutik.

Txirrindularitzarekin lotutako hainbat albiste izan ditugu azken egunetan. Euren artean, Euskadi-Murias taldearen desagerpena, 2023ko Frantziako Tourra Euskal Herritik atera litekeela eta Orbea Fundazioak Continental Pro mailako lizentzia eskuratu duela. Guzti honen inguruan aritu gara Berriako kazetari Imanol Magrorekin batera.

Igandeko norgehiagoka txapelketa honen hirugarrena izango da. Iker Irribarria eta Beñat Rezusta sailkapeneko lehendabiziko aurrelari eta atzelaria dira hurrenez hurren. Aurrean Jokin Altuna eta Jose Javier Zabaleta izango ditu bikote gorriak, sailkapeneko bigarrenak euren posizioetan.