Aste honetan pentsioen sistema erreformatzeko gomendioak zehaztu ditu Toledoko Itunak. Akordioak duela lau urte hasitako lanak amaitu ditu eta testuak 21 gomendio jasotzen ditu.
Azaroaren 10ean Arriaga antzokian estreinatuko dute "Ez dok ero", Tartean teatro konpainiaren baitako "EzDok3" lan lerroko azken emaitza. Euskal kulturaz eta euren buruaz barre egingo dute antzezlan honetan Patxo Telleriak eta Mikel Martinezek.
Alba Ròda ezagutzen jarraituko dugu ostiraleko saioan. Figueras-en jaioa, orain dela bi urte etorri zen kataluniatik lesakara bizitzera. Irisarriland-eko harreran egiten du lan eta hara joango gara egunerokoan euskararen erabileraz hitz egitera. Gero, Lesakara bueltatuko gara bere laguna den Jonerekin batekin pote bat hartzera. Jonek esanda: "Ez dut gogoratzen ere berekin konbertsazioa gaztelaniaz egiten nuenik!"
Hipoteken IRPH indiziaren legezkotasuna bermatu du Espainiako Auzitegi Gorenak. Indize horrekin lotutako ebazpen batean aitortu du; bezero batzuk ez zituztela behar bezala informatu Euriborraren ordez erabiltzen den indize horri buruz, baina, legezkoa denez, finantza erakundeek ez dutela abusurik egin.
Res abokatuen bulegoan lan egiten duen Ander Abuinek azaldu legez, oraindik ebazpenaren testua falta da eta ezin da analisi sakonik egin. Halere, kontatu duenez, urte batzuk direla Res abokatuek IRPH indizea auzitara sartzen hasi ziren. Indizeak baditu horixe baliogabetzeko ezaugarriak eta bezeroen aldeko lorpen garrantzitsuak izan dituzte nulitatea lortuz. Zer gertatu da ebazpen berri honekin baina?
Ipar Euskal Herri osoan itxialdia hasi dute jada eta neurri hori abenduaren 1a arte izango da indarrean, baina luzatzeko aukera izango du presidenteak. Nafarroara begira, Maria Txibite Nafarroako Gobernuko lehendakariak iragarri du hilabete "zailak eta gogorrak" datozela. "Erronka historikotzat" jo du COVID-19aren izurria, osasun krisiak ondorio ekonomiko eta sozial larriak utzi dituelako eta 695 nafar hil direlako gaurdaino, horietako bost atzo. Euskal Autonomia Erkidegoan, aldiz, ELA, LAB, SATSE, SME, CCOO, UGT, ESK, SAE eta UTESE sindikatuek Osakidetzan lurraldeka deituriko hiru greba egunetako lehena izan dute gaur Araban.
Donostiak emaitza onak eskuratu ditu energian, ingurumen kalitatean, hondakinen birziklatzean eta mugikortasun iraunkorrean. Cristina Enea Fundazioaren Iraunkortasunaren eta Klimaren Behatokiak Donostiako Iraunkortasunari eta Klimari buruzko Urteko Txostena argitaratu du, 2019ko datuekin.