Koronabirusaren bigarren oldarraldiari aurre egiteko indarrean jarritako neurriek seko eten dute euroguneko ekonomiaren hazkundea, eta hurrengo datu ekonomikoak txarrak izango direla aitortu du Christine Lagarde Europako Banku Zentraleko presidenteak.
Covid-19a zerbitzu publikoetan izzaten ari den eraginari buruz hitz egin dugu Iraia Oiarazabal, GARAko kazetariarekin. Hezkuntza eta Osasungintzan lehendik zetozen hainbat arazo are ageriago uti ditu pandemiak Oiarzabalen iritziz. Horrez gain asteburuan Zelanda Berrian eta Bolivian izandako hauteskundeen emaitzei buruz ere jardun dugu.
Covid-19ak neguan izan dezakeen bilakaerari buruz hitz egin dugu Beñat Zaldua kazetariarekin. Horrez gain, Katalunian egindako azken poizia operazioa ere aztertu dugu berarekin.
Pedro Sanchezen gobernuak alarma egoera dekretatu ondoren, Urkulluren exekutiboak gehitutako neurriak aztertu ditugu Estitxu Garai EHUko irakaslearekin. Azaldu digu ez direla neurriak ondo azaltzen ari, eta ez dutela argi uzten zergatik diren eraginkorrak martxan jarri direnak. Are gehiago, neurri horietako batzuek, etxeratze aginduak kasu, pandemiaren kudeaketa tonu militarrera daramala kritikatu du Garaik.
Horrez gain, igandean Txilen ospatutako erreferendumaren harira aipatu digu aukera berri bat zabaltzen dela orain Txilen, azken urtebetean egindako borroketan izandako atxilotu eta hildako guztien ondoren.
Ipar Euskal herrian konfinamendu berria indarrean sartu baino ordu batzuk lehenago hitz egin dugu Eguzki Urteaga soziologoarekin. Oraingo konfinamentua arinagoa izango den arren, eragin ekonomikoak izango dituela azaldu digu. Horrez gain, Frederik "Xistor" Haranburu aske uzteko erabakiari buruz ere hitz egin digu. Ipar Euskal Herrian kultura politikoan eman den aldaketak berebiziko garrantzia zian du erabaki horretan Urteagaren iritziz.
Euskal presoak bisitatzeko senide eta lagunek pairatzen duten egoera gogorra eta neketsua dela nabarmendu dute. Astebururo Mirentxiren furgonetek milaka kilometro egiten dituzte euskal presoen senide eta lagunak urruneko espetxeetara eramateko. Astero bizi den errealitatea da hori.
