Goizean atxilotutako bi kide askatu ditu Guardia Zibilak, deklarazioa hartu ostean. Besteak Madrilera bidean dira. Espainiako Auzitegi Nazionalak agindu ditu atxiloketak. Adierazi du atxilotuak CDRko kideak direla. Guardia Zibilak hainbat miaketa egin ditu. Fiskaltzaren arabera, lehergaiak egiteko lehengaiak atzeman dituzte.
Gaur, apirilak 23, pertsonen esklabutza sexualaren aurkako nazioarteko eguna da. Erregistratutakoaren arabera, Hego Euskal Herrian 4.000 emakume inguruk egiten dute lan prostituzioan. Eta horietatik 500 bat, emakumezkoen-salerosketaren biktimak direla adierazi dute hainbat erakunde eta eragilek.
Hiru gizon atxilotu dituzte Bilbon, emakume bat taldean bortxatu eta etxebizitza batean hiru egunez bahitzea leporatuta. Eusko Jaurlaritzako Segurtasun Sailak baieztatu duenez, aipaturiko gertaerak ostiralean gertatu ziren Bilboko Atxuri auzoan. Atxiloketak, berriz, igandean egin dituzte auzoko inguruetan eta etxebizitzan bertan. Biktimak salatu du etxe batean zegoela edarian zerbait bota ziotela eta hiru egunez izan dutela bahituta.
Paul Urjiko modan dago, Errementari filmari esker munduari bira eman ostean, zuzendari gasteiztarraren ospea hasi besterik ez da egin. Orain, Donostiako Zinemaldiaren irekieran, Fantasia eta Beldurrezko zinemaren atala aurkeztu zuen.
Larunbatean manifestazio arrakastatsua egin zuten metalgintzako hitzarmen 'duina' eskatzeko. 50 000 pertsona batu ziren Bilboko kaleetan dituzten lan baldintzak salatuz. Lan hitzarmena 2011an geratu zen bertan behera. Ordutik, hitzarmena negoziatzeko mahaiak 24. bilera egin ditu. Sindikatuek adierazi dute patronalak proposamen berri bat ekarri duela non planteamendu murritzaileekin jarraitzen duen. LAB sindikatuak gaineratu du, patronalak planteamendu berriak ekarri dituela genero berdintasuna, lan osasuna eta subrogazio gaietan. Hala ere, ez du nahikotzat jotzen gaia mahai gainean jartzea. Edukietan ados egon arte borrokan jarraitzeko deia egin die langileei.
