Asteleheneko abordaia orokorrean parte hartzerik izan ez zuten Donostia abordatzeko pirata bihurrien txanda izan da oraingoan. Euriari aurre egin eta hor irten dira portuko uretara! Arratsalde partean berriz giro kubatarra izan da nagusi Kaimingaintxo gunean, mojito lehiaketa eta "apurua"rekin.
Bea Severrek, Naizen adingabe transexualen familien elkarteako bozeramaileak, aniztasunaren aldarria zabaldu du lau haizetara Arriaga Antzokiko balkoitik. Itsasne Nuñez Pa...Ya konpartsako kideak txupina bota eta jaiak eztanda egin du Bizkaiko hiriburuan.
Donostiako Piratek goizean egin duten prentsaurrekoan adierazi dute jaia eten eta protesta egitea erabaki dutela azken orduetan jasotako eraso sexistengatik. Jai gune guztiak itxi dituzte eta manifestazioa egin dute "Erasotzaileak, zuen jaia amaitu da" lelopean.
Ze Esatekek astelehen gauean emandako azken kontzertuarekin ekin diogu astearteko saioari. Orain arte egindako ibilbidea errepasatu dugu taldekideekin kontzertuaren aurretik, eta kontzertua bera ere bertatik bertara jarraitu dugu.
Astearte goizean berriz Piratek antolatutako Kluedo jokoan eta kantu gira herrikoian izan gara, eta munduko hainbat txokotako jaikiez gozatzeko aukera izan dugu Kursaal ondoan. Eguna baina amorruz amaitu dugu, asteburuan izandako bi eraso sexitsta salatzeko elkarretaratzean.
2019ko Donostiako Aste Nagusi pirata hasi da. 16 urte daramatzate Donostiako piratek hiria abordatzen, 1500 lagunetik gora hartu dute parte abordaian. Txupina Donostiako lau gaztetxek bota dute; Kijera, Letaman, Txantxaerreka eta Añorgako gaztetxeetako ordezkariek bota dute.