Azken bideoak: Politika

Kataluniako prozesuaren aurkako sententziaren atarian, "eskubide indibidual eta kolektiboen aldeko defentsa aktiboa egiteko konpromisoa" transmititu dio Gure Esku dinamikak gaur Quim Torra Kataluniako Generalitateko presidenteari, Bartzelonan egin duten bileran. Kataluniako eta Euskal Herriko egoera politikoak aztertu dituzte.

Euskal presoen eskubideak urratzen dituen salbuespen legediaren txosten bat aurkeztu dute Nazio Batuen Erakundeko (NBE) Giza Eskubideen Kontseiluan. Aurten, Espainiari dagokio NBEak aldiro egiten duen giza eskubideen azterketa. Hala, txosteneko informazioa kontuan hartzea da Sare eta Ikasmiraren asmoa.

Urriaren 16an bi urte beteko dira Jordi Cuixart eta jordi Sanchez espetxeratu zituztenetik. Hori da Marchena epaileak duen data epaia plazaratzeko, bestela aske geratuko liratezke. EH Bildu eta EAJ alderdien ordezkariak Diadan izan dira gaur. Ortuzarrek presoak aske utzi behar dituztela aldarrikatu du. Maddalen Iriartek, berriz, kartzela-zigor gogorrak espero dituztela argitu du.

PSOE eta Podemosen talde negoziatzaileak Kongresuan elkartu dira Pedro Sanchezen inbestiduraz hitz egiteko. Nahiz eta beste lau orduz bilduta egon, ez dira inolako aurrerapausorik eman eta egoera blokeatuta jarraitzen du.

Joan den astean onartu zuen Komunen Ganberak Hillary Benn laboristak brexit gogorra eragozteko proposatutako legea. Honen aurrean, lehen ministroak hauteskundeak aurreratzearekin mehatxu egin zuen, baina ez zuen lortu ganberaren bi herenaren babesik. Akordiorik gabeko irteera blokeatu diotela jakinik, hauteskundeetara jotzeko eta horietatik indartuta ateratzeko asmoarekin jarraitzen du Johnsonek; beharrezkoa bada, itunik gabeko irteera gauzatzeko.

Hurrengo egunetan, Pedro Sanchezen etorkizuna erabakiko da, Moncloan jarraituko edo hauteskunde berriak ospatu. PSOE uda honetan elkarte sozial desberdinekin bildu da. Hortik, bere 'Programa Aurrerakoi Komuna' osotzen duten 370 neurri horiek atera ditu. Programa horrekin, uztailean baino babes gehiago lortzea espero dute. Aste honetan PRC, EAJ eta ERC taldeei aurkeztu diete, eta hauen babesa jaso dute. Horrez gain, Ahal Dugurekin biltzen hasi dira. Une hauetan bi alderdien arteko mesfidantza nabaria da. Hala ere, datorren astean bilerekin jarraituko dutela argitu dute. Horrez gain, Pedro Sanchez Rivera, Casado eta Iglesiasekin bilduko da. Irailaren 16an hasiko da Erregearen kontaktu erronda, ostean, 19an lehenengo bozkaketa egingo da. Bertan, gehiengo absolutua behar du Sanchezek. Lortu ezean, 23an bigarren aukera bat izango luke, horretan bai, baiezko baino ezezko gehiago atera behar ditu. Bestela, azaroaren 10ean hauteskunde berriak ospatuko liratezke.