Skip to main content

Azken bideoak: Gizartea

bideoa prestatzen
Euskarari legez bide eman eta egoera aldatzeko eskaera, Nafarroako Parlamentuan

2018-09-19

Sortzen eta Ikastolen elkarteko ordezkariek parte hartu dute Nafarroako Parlamentuan Euskararen Lege berria egiteko sortutako batzorde berezian. Hezkuntza sisteman euskararen egoera zein den azaldu dute.

Zehazki, Sortzen elkarteko koordinatzaile Sergio Iribarrenek esan du euskara baztertuta dagoela, politikoki hori eragin delako. Hargatik, legeak euskarari bide eman behar diola eta egoera hori irauli behar duela aldarrikatu du.

Alderdi politikoetako ordezkariei dagokienez, Podemos-Orain Bai taldeko kide Laura Perezek adierazi du egungo errealitate linguistikoa aldatu beharra dagoela eta horretarako alderdi politikoen ausardia behar dela.

Geroa Baiko Virginia Aleman, bere aldetik, euskararen ofizialtasunaren alde agertu da eta ausardia baino gehiago beharko dela baieztatu du.

bideoa prestatzen
Iruñea, teknologia zaleen topagune asteburu batez

2018-09-18
Teknologiaren zaleek topagune garrantzitsua izan dute Navarra LAN Partyrekin, 500 parte hartzaile inguru bildu baitira teknologiaren inguruko ezagutzak elkartrukatzeko. Bestetik, Nafarroako Gobernuak egindako Ijito Komunitatearen Garapenerako Estrategia aztertu dugu Gaz Kalo Nafarroako Elkarte Ijitoen Federazioko koordinatzailearekin. Kulturari dagokionez, Nazioarteko Inprobisatzaileen Bira eta Beltza Weekend jaialdiari erreparatu diegu.
bideoa prestatzen
Indarkeria matxistaren biktimei eskaintzen dien arreta hobetuko du Nafarroako Gobernuak

2018-09-18
Indarkeria matxistaren biktimei eskaintzen dien arreta hobetzeko Nafarroako Gobernuak laguntzak eta baliabideak handitu eta giza salerosketaren biktimei aterpea emateko zerbitzua ezarriko dutela jakinarazi du Ana Ollo kontseilariak. Izan ere, azken urteetan aurrera urratsak egin dituztela onartuta ere, laguntza "eraginkorragoak" eta "genero perspektiba handiagoa" beharko direla adierazi du.
bideoa prestatzen
Bost azterketa soilik errepikatzea eta epaimahairik ez aldatzea erabaki du Osakidetzak

2018-09-17

Lan Eskaintza Publikoko oposaketetan izandako irregulartasunez egindako ikerketaren emaitzak aztertuta, hartutako erabakien berri eman du Osakidetzako zuzendaritzak. Besteak beste, Traumatologiako epaimahaiko zortzi kidetatik seiri espedientea irekitzea ere erabaki dute

bideoa prestatzen
Erreferentziazko euskal kirolariek parte hartuko dute "Euskal Kirolari" proiektuan

2018-09-17
Proiektuak bi ardatz ditu: teknologia berriak eta kirolaren munduan erreferentzia izan daitezkeen pertsonak.
bideoa prestatzen
Bilboko Harrera Sareak instituzioen neurriak nahikoak ez direla salatu du.

2018-09-17
Joan den ostiralean egindako bilera “mespretxutzat” jo zuten eta pertsona migranteen egoera ezagutu nahi ez izatea egotzi diete. Horregatik, instituzioek gehiago egiten ez duten bitartean auzokideek egingo dutela ziurtatu dute.