Azken bideoak: Gizartea

Azkeneko 24 orduetan COVID19agatik 219 gaixo zenbatu dituzte eta 2.910 PCR eta antígeno proba egin dituzte. Gauzak horrela %7,5koa da positibo eta proben arteko erlazioa.

Euskal Autonomia Erkidegoan tabernak ixteko agindua indarrean egon den lehenengo asteburuaren ondoren, hartutako neurriek sektorean duten eraginari buruz hitz egin dugu Estitxu Garairekin. Horrez gain, Pfizer konpainiak euren bakunak %90eko eraginkortasuna duela iragarri ondoren, osasuna logika kapitalistatik atera behar dela aldarrikatu du Garaik.

Aste honetan Paola Damonti ezagutuko dugu. Milanen jaio zen eta Iruñera etorri zen erasmus bat egitera. Bere euskalduntze prozesua nola izan zen ezagutu nahi?

EAEn ostatuak itxita dauden lehen astelehena da gaurkoa. Ipar Euskal Herrian eta Nafarroan gertatu bezala, Araban, Bizkaian eta Gipuzkoan ere itxiak dituzte ostatuak, herenegunetik. Testuinguru honetan, azken 24 orduetan, 1.178 kasu atzeman dituzte Hego Euskal Herrian, 12.037 test diagnostiko egin ostean. Astebururo gertatu ohi den bezala, behera egin du kopuruak, bezperan baino 67 positibo gutxiago baieztatu baitituzte, eta ostiralean baino 266 gutxiago. Positibo tasak, ordea, ez du hainbesteko aldaketarik izan: %9,8 izan da, bezperan baino puntu erdi txikiagoa.

Gurean Gaur albistegiaren baitako elkarrizketaren tartean, EHUko errektore Nekane Balluerka izan dugu gurekin. Kargua uzteko aste gutxi falta zaizkionean, Hamaika Telebistan agintaldiaren balantzea egiteaz gain, aurrera begirakoak marraztu ditu.

Nekane Balluerka EHUko errektorea elkarrizketatu dugu Hamaika Telebistan. Lau urte hauetako ibilbidearen balorazio "positiboa" egin du. Itxialdi garaia oso garai gogorrak izan direla adierazi du, baina Euskal Herriko Unibertsitateko komunitate guztiak egindako lana azpimarratu du: zerbitzuetako langileak, garbitzaileak, irakasleak, edota langileak.