Azken bideoak: Gaikakoa

75 kaxuela aurkeztu dituzte eta giro paregabea egon da Areatzan. Gu bertara hurreratu gara eta partehartzaileei pil-pil saltsa on baten sekretua zein den galdetu diegu.

Zazpigarren egunean, bakailaoa pil-pil eran nola egiten den ikusi dugu urteroko lehiaketa arrakastatsuan. Konpartsen arteko ur jolasetan ere izan gara, digestioa egin ondoren. Horrez gain, Bilgune Feministako kideekin hitz egin dugu eraso sexisten inguruan. Gainera, Bilboko Konpartsek eraso sexisten kontrako protokoloa hirugarrenez aktibatu behar izan dute.

Areatzako gastronomia eremuan, bakailaoa bizkaitar erara nola egiten duten ikusi eta ikasi dugu txapelketan. Egun eguzkitsua tokatu zaie parte hartzaile sukaldariei.

Bilboko Konpartsek omenaldia egin diote ikurrinari Aste Nagusian.

Urtero bezala, Bilboko Aste Nagusiko txupinera guztiak elkartu dira txupin masiboa egiteko.

Bilboko Berbalagun egitasmoak euskaraz bizitzeko aukera areagotzen egindako lanagatik jaso du Hau Pittu Hau konpartsaren Euskara Saria. 2003az geroztik urtero ematen du sari hau konpartsak Aste Nagusiko ostegunean. Erakunde edo talde bati ematen diote saria euskararen alde egindako lana aitortuz. Konpartsako kide den Ander Huidobrorekin eta Berbalaguneko Aitor Argoterekin izan gara.