Azken bideoak: Gobernua

Presidentea bai baina gobernurik ez du oraindik Espainiak. Gaur zin egin du gobernuburu gisa Pedro Sanchezek, atzo kongresuaren gehiengoaren babesa ozta ozta jaso ondoren. 2018an egin zuen moduan, gaurkoa ere Bibliarik eta gurutzerik gabe egin du zin presidenteak.

Osotara 4.557 milioiko inbertsioak proiektatu ditu PSNren agintaritzak, Elma Saiz ogasun kontseilariak azaldu duenez. Saizen esanetan Berrikuntza, iraunkortasuna eta berdintasuna dira 2020rako Nafarroako Aurrekontuen Aurreproiektuaren zutabeak.

Bougainvillek baietz esan dio independentziari. Erreferendumean bozkatu dutenen %97,7 Papua Ginea Berriarengandik independente izatearen alde agertu dira. Gaur eman ditu bozketaren emaitzak Irlandako lehen ministro ohi Bertie Ahernek. Azaroaren 23tik abenduaren 7ra egin zuten galdeketa. 207.000 pertsona zeuden bozkatzera deituta. "Autonomia gehiago" eta "independentzia" ziren aukerak erreferendumean. Subiranotasuna gauzatzeko aukera 2001eko bake akordioan geratu zen jasota, gatazka armatua behin amaituta.

Ibai Fernandezek (Diario de Noticias) eta Joxerra Senarrek (Berria) Nafarroako Gobernuaren gaurkotasuna jarraitzen dute euren hedabideetan. Gaurkoan, Maria Txibiteren Gobernuaren lehendabiziko egunen balantzea egin dute.

Maria Txibitek legealdi honetako Nafarroako Gobernuaren lehendabiziko 100 egunen balantzea egin du. Agintaldiaren hasieran gobernuak 160 neurriri eman zien lehentasuna eta horiek aztertu ditu Foru gobernu buruak.

Behin Kongresua osatuta, asteazkenetik aurrera alderdiekin kontsulta errondari ekin diezaioke Felipe Borboikoa errege espainiarrak. Hasiera batean sozialisten nahia inbestidura saioari abenduaren 16an ekitea izango litzateke. Hala eginez gero, lehen bozketa hurrengo egunean, abenduaren 17an izango litzateke, eta bigarena, abenduaren 19an. Sanchezek ez badu nahikoa babes lortzen, 2 hilabete epea izango dute prozesuari berriz ekiteko.