Azken bideoak: Gobernua

Pedro Sanchezen gobernuaren promesa nagusietako bat izan da. Francisco Francoren gorpuzkiak Madrilgo Erorien Haranetik atera eta El Pardoko hilerrian hobiratzea. Han dago lurperatuta Carmen Polo, diktadorearen emaztea zena. Gobernuak prest ditu hilobi bat eta lurperatze unitate bat Francoren gorpu momifikatuarentzat. Diktadorearen senitartekoen errekurtsoa bertan behera geratu da, beraz. Exhumazioaren kontra badaude ere, Madrilgo Almudenako Katedraleko kriptan hobiratu nahi zuten Franco. Espainiako Gobernuak, baina, aukera hori baztertu zuen, argudiatuta Memoria Historikoaren legeari jarraikiz, ez dela leku egokia diktadore bat hobiratzeko.

Espainiako Gobernu berria osatzeko negoziazioek ez dute aurrera egin azken orduetan eta gero eta hurbilago dago hauteskundeen errepikapena. Asteleheneko eskaintzaren ostean Pedro Sanchez-ek Albert Riverari helarazitako erantzuna "adar jotzetzat" hartu du Ciudadanos-eko buruak. Horiek horrela, Pablo Iglesias Unidas Podemoseko buruak azpimarratu du bi aukera dituela Sanchez-ek gobernua osatu nahi badu: bata eskuinarekin gobernatzea eta bestea, Unidas Podemos-ekin koalizioa adostea.

Fernando Grande Marlaska epaile ohi eta Barne ministroak bilera izan du Nafarroako presidente den Maria Chiviterekin. Nafarroako Gobernuaren konpetentziez eta indar polizialen koordinazioaz aritu dira batez ere. Zentzu honetan Guardia Zibilaren presentziaz, honek bere horretan jarraituko duela azpimarratu du Marlaskak.

PSOE eta Podemosen talde negoziatzaileak Kongresuan elkartu dira Pedro Sanchezen inbestiduraz hitz egiteko. Nahiz eta beste lau orduz bilduta egon, ez dira inolako aurrerapausorik eman eta egoera blokeatuta jarraitzen du.

Gaurko Gobernu batzarrean, kontseilariek hiru neurri nagusi adostu dituzte: Eskola Mapa berria, Magnesitas enpresari diru laguntza eta egoitzetako diru laguntzen antolaketa berria.

Lehendabiziko aldiz Madril aldetik Nafarroako gobernagarritasunaren haria, PSNk eta Euskal Herria Bilduk mantendu beharreko harremanaz, bileraren aldeko deklarazioak egin dira. Jose Luis Rodriguez Zapatero, estatuko presidente ohiak, beti ere negoziazioa alboratuta, hitz egitearen alde agertu da. Nafarroari buruz zehatz mintzatu ez bada ere, horretaz galdegin zaionean egin du gogoeta Zapaterok.