Legealdiko lehendabiziko aurrekontuak negoziatzeko bilera bana egin du Maria Chivite presidenteak Na+ eta EH Bildurekin. Eskuineko koaliziokoak haserre agertu dira bilera ostean egun berean bi alderdiak deitu izangatik eta subiranistek baikorki baloratu dute lehen hartu emana.
Horren arabera, putzua Gasteizen egin nahi dute, Subillana-Gasteiz herrian, Nanclares espetxetik hurbil. Txostenean baztertu egiten da zundaketan fracking edo haustura hidraulikoko teknikak erabiltzea.
Erorien Haranetik beste 31 gorpu ateratzeko lanekin hasiko da Espainiako Gobernua. Desobiratzen lehenetarikoak izango dira frankismo garaian fusilatu zituzten Aragoiko Lapeña anaiak. Ez dute zehaztu gainerako 29ak nortzuei dagozkien.
Nafarroako Gobernuak ez dio helegiterik jarriko euskararen kontrako sententziari. Chivite lehendakariak azaldu du araudia berritu egingo dutela, eta, beraz, ez dagoela helegitearen premiarik.
Garako Martxelo Diazek eta Berriako Ion Orzaizek Nafarroako Gobernuak bi hilabete bete dituelarik egoera politikoaren erradiografia egin dute Nafarroa Gaur saioan.