Azken bideoak: Poliziak

Espainiako Gobernuak adierazi du gazteak poliziaren oldarraldi batean jasandako zauriak "erortzerakoan” egin zituela “ihes egiten" ari zela.

Iruñerriko hiru udalerritan banatzen den auzunean agerraldia egin zuten asteburuan udaltzaingo, Foruzaingo, Espainiar polizia eta Guardia Zibilaren autoek.

Espainiako armadako soldaduak Iruñeko kaleetan dabiltza, Santo Domingoko merkatuan desinfekzio lanak egiten oraingoan. Nabarmentzekoa da Babes Zibileko eta Suhiltzaileen taldeetako profesionalen egitekoa izan ohi dela berau. Hainbat herritarrek protesta egin dute kazerolada baten bidez.

Espainiako Armada Iruñeko kaleetan dabil goizetik propaganda lanetan, eta armadaren presentziak herritarren haserrea eragin du: lapiko jotzeen bidez protesta egin dute hainbat herritarrek. Gaizka Arangurenek egoera aztertu du.

Espainiako armadaren zuriketa kanpainaren baitan, Iruñeko Alde Zaharreko kaleak zeharkatu ditu konboi militar batek, Iruñeko udaltzainen patruila batek lagunduta. Gobernu delegazioak Nafarroan duen ordezkaritzak azaldu duenez, azpiegitura "kritikoak" ari dira egiaztatzen militarrak. Naizek jakinarazi duenez, ez da desinfekzio lanetara etorri, hori UMEri baitagokio.

Azken egunetan Espainiako armadako Larrialdi Unitate Militarra Araba, Bizkaia eta Gipuzkoako hiriburuetako tren geltokietan desinfekzio lanak egiten aritu da; baita Loiuko aireportuan eta Mendabian ere, besteak beste. Denis Itxaso Espainiako Gobernuaren ordezkariak gutun bat bidali die Arabako, Bizkaiko eta Gipuzkoako udalei, Espainiako Armada haien "zerbitzura" dagoela esanez, guneren bat desinfektatu behar bada.