Angel Berrueta polizia batek eta haren semeak erail zutela 15 urte egin zituen atzo. Donibane auzoko bizilagunek omenaldia eskaini zioten okinari. Atzokoan ere Kontxi Santxiz hernaniarraren memoria gogoratu zen. Santxiz, Berruetaren omenez Hernanin egin zen manifestazio batean poliziak eragindako kargetan hil zen martxoaren 14ean.
Sabino Cuadrak Hamaika Telebistarentzako elkarrizketan 1978ko sanferminetako istiluetako txosten ezkutua aztertu zuen. Sanfermin 78 Gogoan plataformako bozeramaileak Madrilgo kongresuko artxiboetatik ateratako txostenak aztertu zituen.
Nafarroako Parlamentuak gaurko bilkuran eskuin muturreko taldeen edo funtzionario publikoen jazarpenaren biktimak erreparazio eta aitortzarako Foru Lege proposamena onartu du. Izaera administratiboa du lege proposamenak eta helburua eskuin muturreko taldeen edo funtzionario publikoen indarkeriazko jardunak eragindako biktimen errekonozimendua eta erreparazioa sustatzea da.
EH Bilduk Nafarroako Parlamentuan, poliziak eta eskuin muturreko taldeek eragindako biktimen aitortzaren eta erreparazioaren inguruan galdegin du. Ana Ollo kontseilariak gobernuaren desadostasuna agerian utzi du auzitegien jarreraren aurrean eta aurreratu du ikerketa deialdiaren sententziari dagokionez helegitea jarriko duela, Auzitegi Gorenean.
Gaur izan da Aingeru Zudaideri begia galdu arazteaz akusatutako poliziaren aurkako epaiketaren bigarren sesioa. Forenseek, atzo egin bezala, agerian utzi dute Zudairek begia poliziaren pilotakada baten ostean galdu zuela. Defentsak eta fiskaltzak poliziaren abosoluzioa eskatu dute baina ministerio publikoak gomazko bola jaurti izan zela aitortu du.
Gaur hasi da Iruñeko auzitegian Aingeru Zudaireri begia galdu arazteaz akusatutako polizaren aurkako epaiketa. Fiskaltzak absoluzioa eskatu du. 3 aldiz artxibatu zuen Fermin Otamendi epaileak auzia baina Nafarroako Auzitegiak berrirekitzea erabaki zuen Aingeruren defentsak helegitea jarri ostean. Auzitegiaren kanpoaldean 50 pertsona inguru bildu dira elkartasuna adierazteko.
