Azken bideoak: Biolentzia

Urriaren 5ean eta 6an, Bilbon eta Iruñean, hurrenez hurren, egingo dute V. Foro Soziala eta gatazkaren biktimen eskubideak izango ditu ardatz.

Foro Sozial Iraunkorreko kideek azaldu dute hausnarketa gune bat ireki nahi dutela, Euskal Herriko eta nazioarteko partaideekin, eta bertatik jasotako ondorioek bideratuko dutela Foro Sozialak aurrerantzean egingo duen lana.

Agerraldian, Aitzpea Leizaolak lagun izan du Harold Good, IRA eta ETA erakundeen armagabetzean ikuskatzaile lanetan aritutako apaiza. Besteak beste, ostegun honetan Azpeitian hitzaldi bat eskainiko duena, haren esperientziaren berri eman eta Foro Sozial Iraunkorraren lanari babesa adierazteko.

Biolentzia politikoa pairatu duten askotariko biktimek Nafarroako parlamentuan eskainitako testigantzak.

Jesus Egigureni Gurb aldizkarian egin dioten elkarrizketako hainbat pasarte aztergai izan ditugu aste honetan. Besteak beste, esan du hainbatek ez zutela bakea desio eta PSOE barnean baztertu egin dutela. Horrez gain, Espainiako hauteskundeak errepikatzeari ere erreparatu diogu. Horretarako gurekin izan ditugu Jagoba Alvarez, Iñaki Zarraoa, Karmelo Landa eta Neskutz Rodriguez.

Gurean Gaur elkarrizketa saioan Jose Felix Azurmendi kazetaria izan dugu. "ETA, hasieratik bukaerara. Kontakizun baten kronika dokumentatua' liburua kaleratu berri du, ETAren historiaren kronika egiten duen lana. Berarekin izan gara errepasoa egiteko.

Borrokak, ezberdinak izanda ere globalak direla esan ohi dute askok. Eta arrazoi horregaitik Komite Internazionalistak brigadak antolatu ohi ditu udan, beste herrialde batzuetan bizi duten egoera ezagutzeko eta Euskal Herriak bizi duenaren berri emateko ere. Gu eurekin izan gara.