Azken bideoak: Atxilotuak / presoak

Pasa den astean irten behar izan zuen Xuak Picantesseko espetxetik, hiru urte bete ondoren. Arantxa Manterola 'Xua gurasoekin etxera' ekimeneko kidearekin hitz egin dugu.

Olatz Lasagabaster eta Patxi Uranga, Xuaren gurasoak, Valentziako Picassent espetxetik Madrilgo Aranjuezera lekualdatzea erabaki du Espetxe Zuzendaritzak, momentuz gehiagorik zehaztu gabe. Jakina da igandean hiru urte bete zituela umeak eta ondorioz, espetxeko araudiak hola agintzen duelako, kartzelatik aterarazi zutela, amarengandik eta aitarengandik banatuz. Kontuan izanda Xuaren gurasoek kondenaren hiru laurdena betea dutela, baldintzapeko askatasunean beharko lukete.

Guardia Zibilak Antton Lopez Ruiz ‘Kubati’ eta Oihana Garmendia, Sortuko kideak, eta Haimar Altuna eta Oihana San Vicente Kalera Kalera ekimenekoak atxilotu ditu. Espainiako Auzitegi Nazionalak aginduta egin dira atxiloketak, euskal presoen ongi etorriak antolatzeagatik. Barne Ministerioaren oharraren arabera, terrorismoaren gorespena eta biktimen umiliazioa delituak egotzi dizkiete. Dirudienez, behin deklaratuta aske utziko dituzte lau atxilotuak.

Hilabeteko hirugarren ostiraletan, presoen eskubideen defentsan Espainiako ordezkaritzaren aurrean biltzen dira sindikatuak. Gaur, “Konponbide garaia da. Orain presoak” lemarekin elkarretaratzea burutu dute.

Foro Sozialeko kide Agus Hernanek "interesgarritzat" jo du Jonan Fernandezek Eusko Jaurlaritzaren izenean presoen hurbiltzearen inguruan egindako proposamena. Horrekin batera, Beñat Zarrabeitia lankidearekin izandako elkarrizketan, aurrera begira "korapilo nagusitzat, biktimen eskubideak, memoria inklusiboa eta espetxeratuen auzia" azpimarratu ditu. Horrekin batera, Foro Sozialak presoen birgizarteratzea ahalbidetzeko proposatutako "euskal bidearen" gakoak plazaratu ditu.

“Motxilak Gora” ekitaldia antolatu du Sarek igande honetan Donostiako Atano pilotalekuan. Egun horretan beteko ditu hiru urte Xuak, eta ondorioz ezingo du orain arte bezala amarekin espetxe barruan bizitzen jarraitu.