Bizkaiko metalgintzako langileek greba deialdiak mantendu dituzte gaurko mahai negoziatzailearen bileraren ondoren
2019-09-23
Larunbatean manifestazio arrakastatsua egin zuten metalgintzako hitzarmen 'duina' eskatzeko. 50 000 pertsona batu ziren Bilboko kaleetan dituzten lan baldintzak salatuz. Lan hitzarmena 2011an geratu zen bertan behera. Ordutik, hitzarmena negoziatzeko mahaiak 24. bilera egin ditu. Sindikatuek adierazi dute patronalak proposamen berri bat ekarri duela non planteamendu murritzaileekin jarraitzen duen. LAB sindikatuak gaineratu du, patronalak planteamendu berriak ekarri dituela genero berdintasuna, lan osasuna eta subrogazio gaietan. Hala ere, ez du nahikotzat jotzen gaia mahai gainean jartzea. Edukietan ados egon arte borrokan jarraitzeko deia egin die langileei.