Azken bideoak: Grebak

Beren helburuak lortu arte, mugimendu sozial eta sindikalekin borrokan bat egingo dutela azaldu dute elkarretaratzera hurbildu direnek. Nabarmendu dutenez, bi urtetan zehar beren mobilizazioak mantendu dituzten arrazoi berberek eraman dituzte hilaren 30eko mobilizazio orokorrarekin bat egitera.

Urtarrilaren 30eko greba baino bi aste lehenago, bi sindikatuek Foru erkidegoko enpresarien egoitzan lan baldintzen inguruan gogoeta egiteko eskaria erregistratu dute.

Langile horiek, gehienak emakumeak, kale garbitzaileek baino %28 apalagoa dute soldata, hauek gehienak gizonak izanik. Soldata eta kontratu arrakalarekin bukatu nahi dute.

Aurrekontu duinak bermatzea eskatu dute sindikatuek eta gizarte eragileek, Labrit pilotalekuan eginiko ekitaldian zein Nafarroako Parlamentu parean amaitu den manifestazioan.

EAEko aurrekontu proiektuaren aurka azaldu da Euskal Herriko Eskubide Sozialen Karta. Gasteizen antolatutako agerraldi eta mobilizazioan Eusko Jaurlaritzaren jarrera salatu dute dinamika honen parte diren eragileek. Hain zuzen, Garbiñe Aranburu LAB sindikatuko idazkari nagusiak adierazi duenez, gehiengo sozial eta sindikala enplegu, pentsio eta bizitza duinagoen alde lanean dagoen bitartean, Jaurlaritza beste norabidean doazen neurriak ari da hartzen.

Volkswageneko langileek greba egingo dute enpresak gaixotasun komunen inguruan hartutako aldebakarreko erabakiaren kontra protestatzeko. Enpresa batzordeak greba deitu du abenduaren 17, 18, 19, 20 eta 23rako, LAB sindikatuak eskatuta.