Azken bideoak: Grebak

U30 greba dela eta Hamaika telebistaren greba eta emisioak.

Pentsio duinak eskatuz, ekitaldia egin du gaur LAB sindikatuak Santiago zubian, Ipar eta Hego euskal herriko ordezkariekin. “Pentsio duinak” eta “Orain erabaki” lelopean zutabe bana irten da goizean Hendaia eta Irundik, eta Gipuzkoa eta Lapurdi batzen dituen zubian egin dute topo. Bertan azaldu dutenez, ekintza honen bitartez estatu espainiarrak eta frantziarrak ezarritako austeritate politikak salatu nahi izan dituzte.

Lan, pentsio eta bizitza duinaren alde, datozen mobilizazioetan parte hartzeko deia egin dute Bizkaiko pentsionistek. Bereziki, Urtarrilaren 29an herri eta hiri guztietan egingo diren kazolakadetan. Eta, noski, urtarrilaren 30ean hiriburuetan egingo diren manifestazioetan eta herri zein eskualdeetako greba eguneko egintzetan.

Euskal Herriko Eskubide Sozialen kartako kideek greba orokorraren azken xehetasunak ezagutzera emateko agerraldia egin dute. 1.500 enpresa batzorderen atxikimenduak lortu dituzte dagoeneko, eta 171 greba batzorde daude lanean.

Espainiako zein Euskal Herriko instituzioen jarrera eta ekintzek greba orokorraren beharra indartzen dutela adierazi du Eskubide Sozialen kartak. Karta osatzen duten eragileek agerrialdia egin dute Bilbon eta azken asteotan Madrilgo gobernuak hartutako neurriak nahikoak ez direla nabarmendu dute.

Nafarroako 150 enpresa baino gehiagotako langileek bat egin dute U30eko greba orokorrarekin. Langileen eskubideen aurrean hainbat sindikatuk eta alderdik aurkeztu duten jarrera kritikatuta, lan baldintza duinen aldeko borroka defendatu dute.