Azken bideoak: Grebak

Atzoko greba ekintzetan 14 pertsona atxilotu zituen poliziak Nafarroan eta haietatik 8k espetxeraturik jarraitzen dute. Morea merkatal-guneko protestetan, 9 gazte atxilotu zituzten Foruzaingoak eta Guardia Zibilak.

Eguerdiko mobilizazioen ondoren, Euskal Herriko Eskubide Sozialen Kartak agerraldia egin du Bilbon grebaren balorazioa osatzeko. Amaia Muñoa eta Edurne Larrañagaren hitzetan, deialdia oso modu "positiboan" balioztatu dute eta bereziki Gipuzkoan, Bizkaian eta Araban izandako jarraipena azpimarratu dute. Horrekin batera, Nafarroako eskualde batzuetan zein enpresa garrantzitsuetan izandako jarraipena goraipatu dute baita.

35.000 lagunek egin dute bat Donostiako Manifestazioarekin

Donostiako eguerdiko manifestazioaren ondoren, gaurko egunaren lehen balorazioa egin eta hemendik aurrerakoari buruz jardun dugu Igor Arroio, LAB sindikatuko idazkari nagusi ondokoarekin eta Maialen Aranburu, ELA sindikatuko batzorde eragileko kidearekin.

Ana Sarobek erretiro osteko ordainsari duinaren aldeko borroka gizarte osoarena dela nabarmendu du, eta gazteei euren mobilizazioetan parte hartzeko deia egin diete.

Zabalburu, Deustu, Alameda Rekalde eta Bihotz Sakratutik irtendako zutabeek bat egin dute Moyua plazan. Heltzen azkenak, pentsiodunak izan dira, txaloka hartu dituzte gainontzeko grebalariek. Garbiñe Aranburu LABeko idazkari nagusiak ohartarazi du udaberrirako egoera aldatu ezean borrokari ekingo diotela berriz ere.