Azken bideoak: Artea

Fantrobi saria eman diote Paul Urkijo zinemagile Gasteiztarrari. Errementari, bere azken filma, eta fantasiazko generoan izandako ibilbide oparoarengatik eman diote saria, FANT Bilboko zinemaldi fantastikoaren 24. edizioan.

Uxoa Zumetak, Jose Luis Zumeta aitak eta berak Usurbilen duten estudioko ateak ireki dizkigu. Euren lantokia, sormen prozesua eta lan bukatuak ikusi ahal izan ditugu bertan.

La Taller Bilboko arte galeria eta tailerraren hedapena da "Erredakzioa" egitasmoa. Kazetaritza, artea eta inprenta uztartuz, XIX. mende amaierako eta XX. mende hasierako aldizkari ilustratuen antzeko lana sortu nahi dute. Tania Arriaga, egitasmoaren zuzendariak kontatu digunez, ekainaren amaieran argitaratuko dute lehen alea, Mirentxu Purroy kazetariaren eta Higi Vandis ilustratzailearen lanekin.

Iruñeko Ziudadelan izan gara, Javier Valverde artista donostiarraren erakusketan. Hiru hamarkadatik gorako ibilbidea biltzen duten piezak egongo dira bertan ikusgai. Euskal Herriko paisai mota ezberdinak margotu ditu horietan.

Local.Art.Pareta Gipuzkoan zehar egingo den urteroko erakusketa zirkuitua da, gaur egungo sortzaileak kaleratzeko. Herri mapa honetako gune bakoitza eta hauen paretak erakusketa txikiak izango dira. 21 artista eta 21 gune izango dira protagonista.

Maialen Lujanbiok indarkeria matxistari idatzitako hitzei irudiak jarri dizkie Ageda kopla taldeak. EHUko Arte Ederren fakultateko irakasle, ikasle eta ikasle ohi batzuk osatzen duten taldeak sortu du 'Beti bezperako koplak' animaziozko film laburra. Nazioarteko hainbat film jaialditan izan da eta baita sariak eskuratu ere.