Azken bideoak: Artea

Norbanakotik gizartera eta gizartetik norbanakora. Txikitasunean handitasuna aurkitu, eta handitasunean ñabardura txikiekin topo egiteren garrantzia nabarmentzen du erakusketak. “Uno + 1 +… Gizartea gara. Somos sociedad” erakusketak indibiduoaren inguruko gogoeta bultzatzen du; desberdintasun haina berdintasun ditugula, azkarregi doan mundu aldakor honetan.

Alfredo Sada elkartearen Hiri Geometria / Geometria Urbana izeneko erakusketa Iruñeko Condestable jauregian ikusgai izango da otsailaren hogeita laurarte. 30 artistaren argazki lanak areto nagusian daude.

Pedro Salaberri margolariaren erakusketa iraunkorra Kondestable Jauregian dago ikusgai urtarrilaren 13rarte. Aurkezten diren lanetan Nafarroako herrietako eta Iruñeko auzoetako paisaiak, zerumugak eta bazterrak biltzen dira.

Nafarroako Unibertsitateko Museoan ikusgai dago ‘Abstrakzioaren sorburua Jorge Oteizaren muraletan’ izeneko erakusketa. Unibertsitateak eta Jorge Oteiza Fundazio Museoak elkarlanean prestatu dute erakusketa eta Oteizaren zenbait mural aztertu dituzte. Hain justu, erakusketan ikusgai dauden biak: Bachen omenez egindakoa eta ‘Elias eta suzko gurdia’ izenekoa. Biak 1956an egin zituen Oteizak, Maria Josefa Huarteren enkarguz, haren Madrilgo etxerako.

Arteak eta zintziak giza gorputzarekiko eduki duten interesean sakontzen duen 'Gorputza asmatzen. Biluziak, anatomia, pasioak' erakusketa aurkeztu du San Telmo museoak, Valladolideko Eskultura Museo Nazioalarekin elkarlanean ekoiztua. Otsailaren 17rarte egongo da ikusgai, eta Kutxa Fundazioaren babesa du.

“Memoria eraikiz” izenpetutako emanaldi artistikoak antolatu ditu Mugarik Gabek Donostiako Easo plazan, indarkeria sexistaren aurrean daukagun jokaeraz hausnartzera gonbidatuz.