Azken bideoak: Saioak

Preso eta iheslarien eskubideen aldeko ekimena antolatu dute hainbat eragilek azaroaren 9rako Gernikako Astran.

Unai Sordo CCOOeko Idazkari Nagusiak esan du EAEko langabezia datuak oso kezkagarriak direla eta bestelako politikak aldarrikatu ditu.

Denboraldiko bigarren eztabaida politikoak askorako eman du. Estrasburgok Parot doktrina baliogabe jo ostean, Ines Del Rio euskal presoa kalera atera da. Horrek askotariko erantzunak izan ditu, eta horien isla jaos nahi izan dugu mahai inguruan. Pentsioen erreformaz ere aritu gara. Solaskideak: Gorka Maneiro (UPD), Maribi Ugarteburu (EH Bildu) eta Josune Gorospe (EAJ).

Euskal Herriko enpresa demografia aztertu dugu. Batez ere, azken bost urtetan sortu eta itxi diren establezimenduen inguruan, hauen jarduera adarra zein den, teknologia maila, jatorria… horretaz guztiaz eta gehiago landu dugu. Elkarrizketaren atalean, berriz, Mari Jose Aranguren izan dugu, Orkestrako, Lehiakortasunerako Euskal Institutuko ikerketa zuzendaria. Arangurenek enpresen tamainak eta kokalekuak hauen lehiakortasunean duen eraginaz azalpenak eman dizkigu.

Ines Del Rioren abokatuek, Giza Eskubideen Europako Auzitegiaren epaiaren ostean Parot doktrinaren pean dauden 56 euskal presoak espetxean jarraitzeko inolako oinarri juridikorik ez dagoela azaldu dute. Gainera Espainiako gobernuak  Europako sententzia aplikatu behar duela esan dute, doktrina hau aplikatu zaien guztiak aske utziz, pertsona horiek guztiak zigorra beteta dutelako.

Euskal Herriko demografiak duen adin piramidea aztertu dugu, izan ere, bizi dugun egoerak bi adin piramide desberdin uzten dizkigu, Hegoaldekoa, lorontzi formakoa eta Iparraldekoa, estuagoa. Elkarrizketaren atalean, Rober Gutierrez, Bai Euskarari Ziurtagiriko kidea izan dugu. Enpresarean jardunaldiaren berri eman digu eta Bai Euskarari ziurtagiriak nola funtzionatzen duen azaldu digu, besteak beste.