Azken bideoak: Gobernua

NAfarroako Gobernuak "Next Generation EU” planak Foru Komunitateari eskaintzen dizkion aukerak aztertzen dituen txostena aurkeztu du.

EAJren eta PSEren barne erakundeek astelehen honetan berretsiko dute Iñigo Urkullu buru izango duen koalizio gobernu baten formula errepikatzeko bi alderdiek itxitako ituna, eta une horretatik aurrera jakingo da bakoitzak Gobernu berrian duen benetako pisua.

Lehendakariaren inbestidura saiorako hautagaitzak aurkezteko azken egunean, hilaren 28an, Iñigo Urkulluren eta Maddalen Iriarteren hautagaitzak erregistratu dira parlamentuan. Izan ere, datorren ostegunean, irailaren 3an egingo dute Eusko Jaurlaritzako lehendakariaren inbestidura saioa, eta egun horretan bi hautagai izango dira: Iñigo Urkullu jarduneko lehendakari eta EAJren lehendakarigaia, eta Maddalen Iriarte Euskal Herria Bildukoa.

Jaurlaritza honen azken gobernu bilera eta aldi berean kurtso berriko lehena egin dute Donostiako Miramar jauregian. Jarduneko hamaika sailburu bertaratu dira eta Urkullu lehendakariak helburu nagusi batzuk nabarmendu ditu: osasun-krisiari erantzutea, ikasturtea hastea eta Gobernu berria eratu eta martxan jartzea.

Iragan den astean Ordizian zabaldutako brotearen ostean, positibo eman duten 200 herritar inguru bozkatzeko eskubiderik gabe geratu ziren. Bitartean, osasungintzako profesionalek izurriak eragindako kutsadura kasuen aurka borrokan jarraitu dute. Hamaika Telebistan, bertako alkate Adur Ezenarrorekin hitz egiteko aukera izan dugu.

Farmazia-produktuei buruzko legediaren funtzioak, derrigorrezko eskola-asegurua eta lan-erregulazioek eragindako langileen erretiroaren aurreko laguntzak eskualdatuko dira, hain zuzen ere. Guztira 7,5 milioi euroan baloratu dituzte eskumenak. Kupoan urtero %6,24 gutxiago ordaintzea ekarriko du horrek, hau da, 468.000 euro deskontatuko du Madrilek urtero eskualdatu gabeko eskumenengatik ordaintzen duen kupotik, Espainiako Gobernuak bere gain hartzen duena.