Azken bideoak: Gobernua

Espainiako gobernuak bizitzeko gutxieneko errenta onartuko du ostegun honetan. Ekainaren batetik aurrera eskuragarri izango da.

Josu Erkoreka Eusko Jaurlaritzako bozeramaileak Gobernu Kontseiluaren ondorengo prentsaurrekoan gogoratu duenez, atzo, beste aldebiko bilera bat izan zuen Carolina Darias Lurralde Politikako eta Funtzio Publikoko ministroarekin. Esan duenez, ekainean Transferentzien Batzorde Mistoari berriz ekitea erabaki dute bileran eta Euskal Autonomia Erkidegoa 3. fasera igaro bezain laster egingo dute.

Eusko Jaurlaritzak, izurriari buruzko datuak emateko irizpideak kanbiatu izanak, hautsak harrotu ditu. Maiatzaren 8an, adibidez, eman zuen azkenekoz oinarrizko birsorkuntza tasa (Rt) herrialdeen arabera banatuta. Gotzon Hermosilla kazetariarekin landu dugu gaia.

Etorkinek ekonomiari egiten dioten ekarpena jasotzen dutena baino handiagoa da. Horixe nabarmentzen du, Ikuspegi-Immigrazioaren Euskal Behatokiak, Culturmetria-rekin egindako azterlanak. Jatorri atzerritarreko herritarrek Arabako, Bizkaiko eta Gipuzkoako ekonomiari gastuaren, kontsumoaren, bitartez zer ekarpen egiten dioten aztertu dute eta, ondorioztatu dutenez, Euskal Autonomia Erkidegoko administrazioetatik laguntzen bidez dirutan jasotzen dutena ia halako bi ematen dute.

Covid 19 gaitzak eragindako izurriak ondorio tragikoak izateaz gain, sektore ekonomikoak modu nabarmenean kaltetu ditu. Egoera aurre egiteko, hainbat erakundeek talka planak eta neurri ezberdinak abiarazi dituzte. Horien artean, anbiziokoenetako bat, Galdakaoko udalak abian jarritakoa dago. Iñigo Hernando alkateak azaldu digun gisara, "milioi bat euro" bideratuko dituzte merkataritzei zein ostalaritza sustatzeko, beste 500000 familiak laguntzeko eta Bizkaiko foru aldundiarekin batera beste 300000 gizarte ekintzarako. Honatx elkarrizketaren aurrerapena.

Espainiako Gobernuak argitaratu berri du aldizkari ofizialean maskaren erabilera arautzen duen agindua. Araua ez betetzea dakarren zigorra ez da eztabaidatu, ezohiko egoeran baina, jendarteak onartu egiten du neurriaren berehalakotasuna. Baina, legea bera egiteko teknikari dagokionean zer? Eneko Etxebarria abokatu eta Euskal Herriko unibertsitateko irakasleak azaldu duenez, berezko sistema legegile asistematikoa areagotu egin da pandemia egoeran. Kontraesankorra baldin bazen, azeleratu egin da hori.