Azken bideoak: Saioak

EH Kirola saioan Joanes Aierbe Ampo Ordizia errugbi taldeko kapitainarekin izan gara. Espainiako Kopa irabazi du Ordiziak bigarren urtez jarraian, eta datorren astetik aurrera Liga irabazteko playoffak jokatuko dituzte Ohorezko Mailako sailkapeneko sei onenekin batera.

Hogeita hamar, hogeita abar, ... Bide errazik ez, baina gustuko lana bai. Herri Urrats festaren 30. ekitaldia bertatik bertara bizi izan dugu, eta egunak emandakoarekin saio berezia osatu dugu. Ekitaldia, haurren gunea, gazteen joan-etorriak, kontzertuak, eta oro har, lakuaren inguruan girorik ez da falta izan. Beste hainbeste izanen direla badakigu, eta horren testigu izaten saiatuko gara.

Bidezko merkataritzaren nazioarteko egunarekin batera abiatuko da EkoBira azoka ibiltariaren hirugarren edizioa. Kutxa Ekoguneak antolaturiko kontsumo jasangarriaren aldeko denboraldiko lehen azoka, bihar egingo dute Aretxabaletan. Ekoizle ekologikoak, eskulangileak, material birziklatuekin lan egiten dutenak eta energia berriztagarrien sektoreko enpresek parte hartuko dute.

Donostiako 61. Zinemaldiak badu kartela: Optico. Ikuslearen begia irudikatzearekin batera, zinemaren zailtasunak eta hirurogeigarren hamarkada islatu nahi izan ditu haren egile Toni Pontík. Aurtengoak iazko Zinemaldiaren ildo bera jarraituko badu ere, berritasunak ere izango ditu. Besteak beste, abenturazko kirolen zinema atala, Sagave Cinema.

Ibiomed kinka larrian dago. Ama zelulen bidez gaixotasunak ikertzen dituen proiektuak ez du Kutxatik lehenago jasotzen zuen diru laguntza izango. Horrenbestez, langileak kaleratu eta lan erregulazioa egingo dute. Hau ekiditeko eta Kutxari ikerkuntza babes dezan eskatzeko protesta egin dute.

Lehen atalean, ondokoak nabarmendu ditugu: FANT jaialdiaren zuzendariarekin eta bertan lanak estreinatu dituzten zinemagileekin izan gara. Ondoren zinema estreinaldiei begira jarri gara. Asteburuko proposamenei dagokienez, hauxe duzue gure eskaintza: "Hogeita abar urte" lelopean ospatuko du Seaskak igande honetan Herri Urrats festa, Arrigorriagako Nazioarteko Clown eta Pailazoen Jaialdia maiatzaren 10 eta 12an burutuko dute, maiatza eta ekaineko asteburuetan Bilbon Kultura kalez kale jaialdia izango dugu, eta beste hainbat.