Sailkatze estropada 29an izango da. 43 traineru ariko dira: 23 gizonezkoak eta hogei emakumezkoak. Egun honetan maila bakoitzean sailkatzen diren zazpiak eta horretaz gain Donostiarrako bi ontziek ziurtatua dute lehiatzea, “etxeko taldekoak” izateagatik. Aurten ere, hautsak harrotu ditu aurten Kontxako arautegiak Izaro Lestayo, ezingo delako Kontxako Banderan egon. Lestayo Getariako Arraun Taldeko patroia da eta gizonezkoen ARC ligan patroi lanak egiten dituen lehen emakumea da. Antolatzailearen arabera, “arautegiak ez du aukera hori onartzen, ez duelako talde egitura mistoa onartzen". Antolatzaileek gizonezko eta emakumezko irabazleen diru sariak berdindu zituzten iaz, eta, haien ustez, “berdintasunaren aldeko pausoek bide horretan joan behar dute, ez proba mistoetarantz".
- Nekane Arzallus alkateordeak gaur egunkari honi azaldu dionez, erabakiak bere hartan jarraitzen du. “Hausnarketa egin beharko litzateke, baina aldagai asko daude, eta oso kontuan hartzekoak erabaki bat hartzeko. Dena aztertu behar da ondo”, gaineratu du.
Zirrara, hori izan da hedabide eta zaletuen artean gehien errepikatutako hitza. Iruñeko Txantrea auzoan ospatzen ari dira Europako Abiadura Irristaketa Txapelketaren lehendabiziko hiru jardunaldiak eta unerarte zaletuen gogoak asebete egin ditu.
Sandra Ruizek orain dela 23 urte bere bizitza aldatzea erabaki zuen. Aritzkuren izeneko herria berreraiki eta bizitza berri bat hasi zuten lagun talde batek. Gaur egun, bizitzeko moduko espazio bat eraiki dute. Gizarte sistematik at bizitzea lortu duten arren, genero rolak barneratuak dituztela nabari dute eta horiek hausteko barne lanketa batean daude.
100 urterekin hil da Bilboko Santa Marina ospitalean Jose Moreno. 1936an, ELAren San Andres batailoian eman zuen izena 17 urte zituela. Santoñako gertakarien ondoren, lan behartuetan aritu zen Zaragozan, kartzelan ere eduki zuten, eta 24 urterekin aske utzi zuten. 1936ko gudarietan ezagunenetariko bat izan da, publikoki asko agertu baita azken urteetan.
Pentsiodunak kalera irten dira gaur berriro pentsio duinak eskatzeko. Bertan, Pedro Sanchezek orain dela lau hilabete hauteskundeak irabazi zituela gogoratu dute.
Denbora honetan, ez dituzte inolako aurrerapausurik ikusi. Hori dela eta, hauteskunde berriak ematen badira, mobilizazioak egingo dituztela iragarri dute. Sindikatuekin bildu direla argitu dute. Izan ere, egun horietarako kolektibo desberdinetako kideen eta langileen babesa nahi dute.