Azken bideoak: Kultura

Andoni Aizpuru kazetariak eman dio hasiera Bizkaiko txotx denboraldiari. Zornotzako Uxarte sagardotegian egin dute ekitaldia, eta bertaratu direnek uzta berriko sagardoa dastatzeko aukera izan dute.

Ska eta reggae musikaren historian zehar bidaia bat da "Sound of Roots, ska eta reggae musika Euskal Herrian" dokumentala. Unibertsitateko lan batetik abiatu eta testigantzaz betetako ikerketa lana osatu dute Ainara Mentxaka, Javi Blanco, Ane Cerrato eta Antxon Notariok. Gurekin izan dira dokumentalaren nondik norakoak azaltzeko.

"Idoloak akatu genituenekoa" ipuin bilduma argitaratu dute Gotzon Hermosilla, Igor Mercado eta Iñigo Basaguren-Duartek: punk musika eta literatura parez pare, estilo horretako talde entzutetsuen abestiak oinarri hartuta. Urte luzez fanzinegintzan aritutakoak dira hiru egileak (Izu Giroa, Zarata...) eta horren inguruan ere jardun dugu eurekin, Do It Yourself filosofia hobeto ezagutze aldera.

"Idoloak akatu genituenekoa" ipuin bilduma argitaratu dute Gotzon Hermosilla, Igor Mercado eta Iñigo Basaguren-Duartek: punk musika eta literatura parez pare, estilo horretako talde entzutetsuen abestiak oinarri hartuta. Ska eta reggae musikaren sustraietara ere jo dugu "Sound of Roots, ska eta reggae musika Euskal Herrian" dokumentalarekin. Gainera, "Beste Hitzak" literatur egitasmoaren berri eman digute Yoseba Peña eta Ekaitz Goienetxea idazleek. Amaitzeko, datozen egunetako agenda kulturala ere dakargu. On egin!

Europako hizkuntza gutxituetan idazten duten egileei zuzendutako sorkuntza egonaldiak dira "Beste Hitzak" egitasmoaren oinarri. Yoseba Peña eta Ekaitz Goienetxea idazleak izan ditugu gurean, euren esperientziaren berri emateko.

Arkaitz Oiartzabal “Xamoa” bertsolari oiartzuarrarekin izan gara. Bertso eskolako irakaslea ere bada "Xamoa", eta berarekin aritu gara solasean. Horrez gain, urtarrilaren 8an Oiartzunen egindako euskal presoen aldeko bertso saioaren onena jaso dugu.