Azken bideoak: Kultura

"Feriatzaileak" da Patxi Larrion idazlearen lehen eleberria. Maleta eta guzti agertu da Durangoko Azokara, eta barruan daramana erakutsi digu. Ezustekoa hartu dugu. Era berean, liburuaz eta kontatzen duenaz aritu gara berarekin.

Durangoko Azokaren laugarren egunean, hiru liburu izan ditugu protagonista: Patxi Larrionen "Feriatzaileak", Harkaitz Cano, Antton Olariaga eta Jexuxmai Lopetegiren "Itzali zaunka" eta Danele Sarriugartek euskaratutako Angela Davisen "Emakumeak, arraza eta klasea". Bestalde, EtsaiakEroak taldeko Auorekin izan gara.

Kultura bonua aurkeztu du bigarrenez Gipuzkoako Foru Aldundiak. Denis Itxaso Kultur diputatuak nabarmendu du oinarrizko lehengaia dela kultura, eta modu berezi batean irudikatu dute.

Ongintzazko proiektua da "Benefic"; bi Gobernuz Kanpoko Erakundeen (TDH-Gizakien Lurra eta Aitzina-Aefat) umeei laguntzeko asmoz egina. Bizkaiko Korrontzi folk taldearen egitasmo berriaren xehetasunak ezagutu ditugu.

Azpeitiko Egurra ta Kitto punk rock taldeak gogorrera egin du "Gure Ordua" lan berrian. Durangon esan digutenez, aldaketa hainbat dakartza diskoak, taldekide aldaketak tarteko.

Igandea, abenduaren 4a, Durangoko Azokaren 3. eguna eta Landako Gunea jendez lepo. Bertaratu direnei hauxe da bota diegun galdera: Zein da zure plana Durangoko Azokan?