Azken bideoak: Kultura

Mundu bat ahoz aho, kantu inprobisatuaren inguruko ikus-entzunezkoa estreinatu dute Durangoko Azokako Irudienea gunean. Mintzolak eta Lankuk ekoiztu dute Beñat Gaztelumendik zuzendu duen dokumentala.

Hesian taldeak kaleratu berri duen diskoa inflexio puntua izango dela uste du. Horrez gain, igandean kontzertua eskainiko dute. Berezia izango dela aurreratu digute, hamaika lagunekin partekatuko baitute eszenatokia. Euskal Herriko hainbat taldetako kideri egin zieten proposamena, denen baiezkoa jaso dute eta kontzertu ahaztezina izango dela aurreikusten dute. 

Durangoko Azokaren bigarren egunean, Hesian eta Kokein musika taldeak, Ruper Ordorika, Mikel Inunziaga, eta Beñat Gaztelumendik zuzendutako "Mundu bat ahoz aho" dokumentala izan ditugu hizpide.

Bilboko Udalak euskararen nazioarteko egunean Ken Zazpi musika taldea omendu du musikaren arloan eta euskara gazteen artean zabaltzen egin duen lanagatik.

Hamaika Telebistan euskara dugu oinarri, urteko egun guztietan. Horren lagin bat ere prestatu dugu abenduaren 3rako, Euskararen Egunerako. Euskal Herriko hainbat ekitaldi berezi jasotzearekin batera, gure programazioan euskararen gaiari heldu diogu modu berezituan, eta horren bilduma da osatu duguna.

Gure protagonistaren bizitza beste bat litzateke txisterik gabe. Euskararen militantziatik heldu zen telebistara eta etxe handi bat bihurtu da Euskal Herria beretzat. Ahul ikusten ditu euskarazko hedabideak, eta errebindikaziotik erabilerara pasatzeko ordua dela uste du. Hurbilean, Kike Amonarriz.