Azken bideoak: Kultura

Getxoko Komiki azokaren 15. edizioa izan da asteburu honetan. 60 salmenta postu egon dira bertan, besteak beste, komiki dendak, aldizkariak, fanzineak eta argitaletxeak. Komikien salmentaz gain, hitzaldiak, sinatze-txandak, aurkezpenak zein mahai-inguruak izan dituzte komiki zaleek Areetako Geltokia plazan. Aurten, gainera, Horacio Altuna eta Jose Ibarrola artistak omendu dituzte.

Xilabako txapela jantzi berritan, gurean izan da Sustrai Colina. Pozik eta harro, oinak lurrean ditu urruñarrak. Txapeldunarekin partekatu ditugu Baionako finaleko momenturik onenak.

Ezizen bategatik ezagutzen badugu ere, Iñigo Ibarra da bere benetako izena. Bakarrizketa batekin hasi zuen bere ibilbidea, Euskal Herriko txoko guztiak autoestopez bisitatu zituela gogoratzen du. Nia, beste nia eta pertsonaia bereizten ditu. Eta pertsonaia eta publikoaren artean hari bat ikusten du. Hurbilean, Ander Lipus.

Musika autoekoizpenari buruz aritu gara kultura solasaldian. Gurekin izan ditugu Koldo Otamendi (Musika Zuzenean) eta Josu Bergararekin (musikaria). Esan digutenez, gaur egun, musikariak izan dezake bere lanaren gaineko erabateko kontrola, eta horretan teknologia berriek asko lagundu dute.

Aste Nagusiaren hastapenen inguruko dokumentala aurkeztu dute Bilboko Konpartsek. "Amets Nagusia" jarri diote izena, eta lan honen bitartez, memoria historikoa berreskuratu eta pedagogia egin nahi izan dute, bilbotar guztiek jaien jatorria ezagutu dezaten. Konpartsetako kide diren Itsaso Perez eta Ziortza Larreategi izan ditugu gurekin.

Martxan da Galdeketaun lehiaketaren hirugarren edizioa. Mugikorrerako aplikazioaren bitartez, 12 eta 17 urte arteko gazteek euskaraz jolastu eta bertoko kulturaz ikasteko aukera izango dute. Bilboko Udalak eta Nontzeberri atari digitalak hirugarrenez antolatuko dute txapelketa, aurten Itsas Museoaren kolaborazioarekin.