Azken bideoak: Ondarea

Etxealdian zehar sortutako artikulu baten ondoren, Jon Maiak "Bihar Tomorrow" ekimenaren bultzatzaileetako kide gisa azaltzen zaigu. Beste mundu bat posible dela aldarrikatuz landutako iniziatiba hain zuzen ere. Elkarrizketaren tartean, Beñat Zarrabeitia lankideak berarekin hitz egin du.

Etxealdian zehar sortutako artikulu baten ondoren, Jon Maiak "Bihar Tomorrow" ekimenaren bultzatzaileetako kide gisa azaltzen zaigu. Beste mundu bat posible dela aldarrikatuz landutako iniziatiba hain zuzen ere. Elkarrizketaren tartean, Beñat Zarrabeitia lankideak berarekin hitz egin du.

Diogenesen izena aipatzen denean, psikologia modernoak eraikitako gaitza datorkigu burura, etxeko bakardadean zaborra pilatzen duen soziopatak. Izendapenak, Sinopeko Diogenesen du bere jatorria, K.a. 400 urteko Grezian bizi izan zen filosofoan hain zuzen. Lotura materialik gabeko bizitza zoriontasunaren giltza zela pentsatzen zuen. Psikologoek, 70. hamarkadan izena hartu zuten, Diogenesen bizitza muturrera eramanez. Seguruenik, zinismo osoz, ezer ere ez ulertu zutela esango lieke Diogenesek psikologoei, barre serioa ahoan zuen bitartean.

Aztarnategiko zuzendari ohiari egozten zaizkion delituak dira "dokumentuak faltsutzea" eta "iruzurra". Ruben Cerdan izan da beste akusatua eta urtebete, hiru hilabete eta 23 eguneko zigorra ezarri diote, "agiri pribatuak faltsutzea" egotzita. Bien artean, Arabako Foru Aldundiari 12.490 euro ordaindu beharko diote. Bi akusatuei aplikatu zaie, luzapen bidegabetzat jotzen den aringarria, prozesu judiziala duela hamaika urte hasi baitzen, 2009an. 2006an aurkeztu ziren Iruña Veleia aztarnategian aurkitutako lehen piezak, baina dudak piztu ziren “ordura arte ikusi gabeko idazkera, kristautasunaren eta euskararen ikuspegia” zutelako. Horregatik sortu zen 2008an batzorde zientifikoa, aurkikuntzak eta Lurmen kudeaketa enpresa ikertzeko. Hamalau urteko tramiteen ondoren, iragan otsailaren 3an hasi zen 12 saioko epaiketa. Azkenean, epaiak dio ezin izan dutela frogatutzat eman grafitoak Gilek berak egin zituenik. Aldiz, epaileak onartu du Gil aztarnategiko zuzendari zen neurrian, bertan geratzen zenaren jabe zela, eta, beraz, baita arduradun ere.

Igartubeiti Baserri Museoak denboran garamatza atzera. Sagardogintzari helduz, emakume ekintzaileek sagardogintzaren bilakaeran egindako ekarpenaz aritu gara Iban Maiz museoko arduradunarekin.

Askotan errepikatzen diren baieztapenek egia-itxura hartzen dute benetakoak izan ala ez, behin eta berriko esatearen poderioz. “Colonek Amerika aurkitu zuela” onartutako esaldi horietako bat da. Zehaztasun milimetrikoz jakin ezin bada ere, kultura anglosaxoian eta bereziki Estatu Batuetan, Amerikar lurra ukitu zuten lehen europarrak Leif Eriksson vikingoa eta bere espedizioa izan ziren, K. O. 1000. urte inguruan. Leif Eriksson Islandiar jatorriko vikingoa izan zen Erik Gorriaren hiru seme alabetako lehena. Erik Gorria ospetsua Islandiatik kanporatu zuten eta behartutako ihesaldian, aurreko marinel norvegiarraren istorioetan oinarrituz, mendebalderantz nabigatu eta izotzez betetako irla aurkitu zuen, gerora Groenlandia izango zena. 985. urtean lehen herrixkak sortu zituzten, Islandiatik etorritakoen laguntzarekin. Groenlandiako kokalekuetatik, bere semea, Leif Erikson Amerikarako bidea ekin zuen. Aurretik, Norvegiako jatorrizko lurretara nabigatu zuen errege Olaf lehenengoaren oniritzia jasotzeko eta Kristautasunera konbertitzeko. Era horretan Groenlandia eta etorkizunean aurkituko zituzten lurren kristautzea lortzeko. 1.000 urte inguruan, Leif-ek ipar mendebaldeko uretan ibilitako merkatari bat aurkitu zuen. Honek lur ezezagunen inguruan hitz egin zion, soilik ikusi egin zituela, baina ez zuela oinik jarri bertan. Leif-ek itsasontzia erosi zion, lur ezezagunetarako espedizioa burutzeko. Vikingoek bi itsasontzi mota zituzten, guda edo espedizio itsasontziak, Drakkar famatuak, azkarrak, estuak eta luzangak, eta Knarr-ak, merkataritzarako erabiltzen zituztenak eta zabalagoak zirenak. Ohitura zen gainera, erregeak hiltzean, bere Drakkarrean igo eta honi sua ematea.