Azken bideoak: Ondarea

Joana Lertxundi sagardogilearekin izan gara. Konfinamenduaren ataka pixkanaka atzean utzita, galdutako txotx garaia eta ekoitzitako sagardoaren merkaturatzeaz aritu gara, sagardogintzaren erronkak aipatuta.

Hamaika urte bete ditu Hamaika Telebistak eta ospakizunetan bailaretan barrena murgildu asmo dugu, toki, pertsona eta gertaera esanguratsuak jasoz.

Eusko Jaurlaritzak kulturgileentzat abian jarri dituen diru-laguntzak zozketa bidez esleituko dituela jakinarazi du. 950 eurotik 1.200erainoko paketeetan banatuko da zeregin horretara bideratutako 2,5 milioi euroko poltsa. Joxean Muñoz Kultura sailburuordeak azaldu duenez, era horretan, eskaera egin duten guztiek aukera berak izatea gura da.

“Solo pero en control” abesten zion Fiachras talde Gipuzkoarrak Loperi. Nola izendatu, Aro Modernoan Euskal Herritik Amazonasera bidaiatu, gerretan parte hartu, ehundaka pertsona hil, El Doradoren ametsa jarraitu, Espainiari independentzia aldarrikatu eta hilzorian bere alaba akabu zuen Oñatiarrari? Askatasunaren printzea, traidorea, tiranoa, eroa, pelegrinoa.... Horiek izan ziren Lope de Agirre gipuzkoarra definitzeko erabilitako goitizen batzuk. Zinez pertsonaia polemikoa, 400 urte atzera, euskal askatzaile eta euskal faxista baten tarteko bidean zegoen: #Bazterrekoak atala, Jabi Juberaren eskutik.

Urtero gogoratzen da 1937an Alemaniako Condor Legioak eta Italiako Aviazione Legionariak Gernikan egindako sarraskia. Ehunka hildako eta zauritu izan ziren, eta eraikinen %85 erabat suntsitu zituzten. Aurten ezinbestean segurtasun neurriak hartuta egin dituzte ekitaldiak, koronabirusak eta konfinamenduak eraginda. Gernika Memoriaren Lekuko plataformaren helburua izan da, konfinatuta egon arren, askatasuna aldarrikatzeko eguna izatea, hala, zuzenean jarraitu dute herritarrek streaming bidez egitaraua.

Greba digitala abiadute dute gaur ehunka kulturgilek sektorearen prekarietatea salatu, ikusarazi eta gogoeta egitera gonbidatzeko gizartea. Bi eguneko isilaldia egingo dute, entzun ditzaten.