LAB Sindikatuak elkarretaratzea egin du Barakaldoko Bide-Onera plazan bertan egiten ari den obrako segurtasun falta salatzeko. Sindikatuak azaldu duenez, auzokide baten bideo bati esker jakin dute lanetan ez direla segurtasunez lan egiteko baldintzak betetzen eta lan ikuskaritzan eta Osalanen aurrean salaketa jarri dute.
Bost kontzertuz osatutako programa izango du aurtengo Aita Donostia Aste Musikalak. Ekainaren 2an hasi eta 8ra bitartean, musikaz beteko dute Donostiako kaputxinoen eliza bertako eta atzerriko hainbat musikari, talde eta abesbatzak.
Kontzertu denak Donostiako kaputxinoen Eleizan egingo dira, arratsaldeko 20:30etan hasita.
Eusko Jaurlaritzaren Bilboko egoitzaren aurrean, gehiengo sindikalak agerraldi bateratua egin du gaur goizean. Azken hilabetean izandako lan-istripuak ardatz, Jaurlaritzari langileen segurtasuna lehen lerrora ekartzea eskatu diote.
Hainbat salaketa plazaratu dituzte, tartean, eskulan merkeak eta prekarietateak dakartzaten ondorio latzak, askotan hildakoak eragiten dituztela.
Azken hilabetean 5 hildako egon dira lanean zihardutela. Sindikatuen bozeramaileek garraiolarien egoera bereziki larria dela adierazi dute, azken hilabetean 4 hildako izanik.
Bestalde, UGT sindikatuak agerraldi propioa egin du arrazoi berdinarengatik, Bilbon duen egoitzan.
Ainhoa Etxaide, Asier Blas eta Ion Ansarekin batera, Oihan Larrañaga lankidearen gidaritzapean, maiatzaren 26ko udal, foru eta Europako parlamentuko hauteskundeek eman dutena aztergai. Saio berezia Hamaika Telebistan.
Sartaguda herria "alargunen herria" izenez ezagutzen da. Izan ere, Sartaguda da portzentualki eraildako gehien duen Nafarroako herria. Horretaz gain, urteetan ixiltasuna ezarri zuten faxistek errepresaliatutako pertsonei eraginez.
Udal eta foru hauteskundeetan, Araba, Bizkaia eta Gipuzkoan, EAJ eta EH Bildu izan dira "garaile nagusiak" Diario de Noticias de Gipuzkoako kazetari Jurdan Arretxeren esanetan.
