LAB sindikatuak politika feministak eskatu ditu, emakumezkoek pairatzen duten soldata arrakalarekin amaitu. Izan ere, Europako justiziak berriro ere ebatzi duenez, jardunaldi partzialetako kontratuek diskriminazioa sortzen dute kotizatzerako orduan.
PSE-k maiatzaren 26ko hauteskundeetako balorazio positiboa egin du eta, aurrerantzean, “ezkerretik gobernatzen jarraitzeko” asmoa erakutsi du: Idoia Mendiak sozialisten tendentzia goratu du eta elkarrizketak hasteke daudenean, EAJri mezu argia bidali dio, bi alderdien arteko balizko akordioak “orokorrak” izan behar dira. Hori bai, Araba, Bizkaia eta Gipuzkoako erakundeetan gertatu daitezkeen hitzarmenak, Nafarroan zein Madrilen gertatu daitezken akordioetatik aldendu ditu.
Nafarroako Gobernuko bozeramaileak, Maria Solanak, kontseilu bilerako akordioak erdiesteko bileraren ostean, asteazkenetako ohiko prentsaurrekoa eman du. Adostutako kontuak aurkezteaz gain, hauteskundeen emaitzen balorazioa eman du, botoen %1a baino gehiago oraindik ere zenbatzear delarik.
Igandean ospatuko da Bardeetako Tiro Poligonorako 32. Martxa. Poligonoaren aurkako asanbladak deia luzatu du igandekoa martxa jendetsua izan dadin. Eguerdian abiatuko da martxa Nafarroako parkeko Aguilares gunetik.
21. Gazteen antzerki topaketak egiten ari dira Donostian. Antzerkia sutatzea eta publikoa gaztea antzokietara gerturatzea da topaketaren asmoa. Leire Orella Antzerki Topaketako teknikariarekin eta Estibaliz Curiel epaimahaikidearekin hitz egin dugu topaketaz.
Gizonezkoen euskal futbol selekzioa Panamaren kontrako partida prestatzen ari da. Clementeren jokalariek aurreneko lan saioak egin dituzte, hezetasunari aurre eginez, eta Rommel Fernandez estadioa ezagutu dute.
Barakaldokoak talde gaztea eraman du eta futbolariak itxaropentsu azaldu dira. Adurizek Panamako hedabideen aurrean azaldu duenez, “gure herria ordezkatzeaz oso harro gaude”. Elastiko berdea aurreneko aldiz jantziko duen Unai Bustinzaren esanetan “euskal sena baliatuz partida irabazten saiatuko gara”.