Bideoteka

Nafarroako Orkestra sinfonikoak eta Baluarte Fundazioak oholtza gainean emakumearen presentzia indartu nahi dute denboraldi berrian. Gaur egin dute iraila eta urrian abiatuko den 2019-2020 denboraldiaren aurkezpena Baluarte jauregian.

Uxue Barkos presidenteak Maria Chivite sozialistaren deia jaso duela jakinarazi du. Barkosek argi utzi nahi izan du bere ustez PSNri dagokiola gobernu berria eraikitzea, hau izan baita bigarren indarra. Geroa Baiko kidearen ustez sozialistek ez lukete betorik jarri behar gobernu aurrerakoi eta anitza sortzeko bidean.

2003. urtetik ospatzen da Caostica laburmetrai eta bideoklipen jaialdia. Urtero, ikus-entzunezko obrarik transgesoreenak biltzen saiatzen dira antolatzaileak gero eta garrantzi handiagoa hartu duen jaialdi honetan. Nitya Lopez-ek eman dizkigu jaialdiaren zehaztapen guztiak. Bestetik, 'Muga deitzen da pausoa' filmearen zuzendari den Maider Oleagarekin eta 'Zer gertatu zitzaion Ana Garciari?' antzezlaneko Aritz Mendiola aktorearekin bildu gara haien lanetaz gehiago jakiteko.

2019ko hauteskundeetan Euskal Autonomia Erkidegoan ezin izan du bozkatu biztanleriaren %10ak. Milaka etorkin geratu dira bozetan parte hartu ezinik, boto eskubidea ukatuta. Espainiako nazionalitatearekin soilik lortuko du sufragioa. Traba burokratiko asko izaten dira prozesuan. Honen inguruan hitz egin digu SOS Arrazakeria elkartekoekin.

Donostiako Heineken Jazzaldiaren 54.edizioaren agerraldian , Euskal musikak 32 ordezkari izango dituela adierazi dute antolatzaileek. Jaialdia uztailaren 24tik 28ra izango da. Zehazki, urtarriletik apirilera bitarteko hautatze prozesutik datozen hamar taldek joko dute, beste bost 2018an diskoa argitaratu zutelako programatu dira, lau Katapulta Tour Gipuzkoa 2019ri dagozkionak (hauek Ainhoa Larrañaga, Sara Zozaya, RO eta Anai dira), hiru gehiago Musikenek proposatutakoak eta lau antolakuntzak zuzenean aukeratuak: Paul San Martin, Nogen, Jaime Stinus eta Easo Abesbatza. Horiei guztiei, Nauticool agertokian jardungo duten sei euskal DJak gehituko zaizkie. Hautatze prozesutik azken helmugara iritsi dira Reunion Big Band, Hot Potato Blues Band, Xahu, Organazing, Amaika Rude Sound: The Ska and the Abstract Truth, Fredi Pelaez Trio, Nacho Soto: Experiment 64, No-Land Trio, Ekhilore Quintet eta Juan Jose Cabillas with Strings. Gainera, 2018an diskoa argitaratu zuten Jon Urrutia Trio, Lurpekariak, Javier López Jaso-Marcelo Escrich Quartet, Broken Brothers Brass Band eta Elkano Browning Cream taldeek ere joko dute. Azkenik, Musikenek proposatuta, The Funk&Risketiers, Xvr Estevez Sextet eta Nasim Quartet Heineken Jazzaldian ariko dira. 54. Heineken Jazzaldirako sarrerak Heineken Jazzaldiaren eta Donostia Kulturaren web orrietan eros daitezke.

Ekainaren 1ean, larunbatean izango da proba. Donostiatik aterako dira, eta Gipuzkoako eta Ipar Euskal Herriko hainbat herri zeharkatuko dituzte. Martin Ibabe Donostiako Udaleko kirol zinegotziak nabarmendu du azken bi edizioak arrakastatsuak izan direla